1 Samuel 19:17 - Beibel na Papiamentu Koriente 2013

¹⁷ Saul a puntra Mikal: ‘Di kon bo a gaña mi i a laga mi enemigu hui?’ Mikal a kontestá: ‘Pasobra el a bisa mi ku e ta mata mi si mi no lag'é hui.’

Papiamentu Bible 2013

¹⁷ Saul a puntra Mikal: ‘Di kon bo a gaña mi i a laga mi enemigu hui?’ Mikal a kontestá: ‘Pasobra el a bisa mi ku e ta mata mi si mi no lag'é hui.’

1 Samuel 19:17 ပူးပေါင်းရင်းမြစ်များ

2 Samuel 17:20

E sirbidónan di Absalon a drenta serka e muhé den kas i puntra: ‘Unda Ahimaas i Yonatan ta?’ E muhé a kontestá: ‘Nan a krusa e roi chikitu ei.’ E sòldánan a bai buska Ahimaas i Yonatan sin por a haña nan. E ora ei nan a bai Herusalèm bèk.

2 Samuel 2:22

Abner a bolbe bis'é: ‘Stòp di persiguí mi sino mi ta haña mi obligá di dal bo benta abou! Ku ki kara mi por presentá e ora ei dilanti di Yoab bo ruman?’

1 Reinan 21:20

Ahab a bisa Elías: ‘Ata, mi enemigu a haña mi atrobe!’ Elías a kontestá: ‘Asina mes, pasobra bo a bende bo mes pa hasi loke ta malu den bista di SEÑOR.

Mateo 2:16

Asina Heródes a realisá ku e sabionan a nèk e, el a bira mashá furioso i a manda mata tur mucha hòmber di Betlehèm i bisindario ku tabatin dos aña òf ménos. E edat akí tabata kuadra ku e tempu ku e sabionan a bis'é ku nan a mira e strea aparesé.

Galatanan 4:16

I awor mi a bira boso enemigu, pasobra mi ta bisa boso bèrdat?

1 Samuel 19:14

Ora Saul a manda su hendenan pa kohe David prezu, Mikal a bisa nan: ‘E ta malu.’

1 Samuel 19:16

Ora Saul su hendenan a drenta e kas, nan a haña e imágen di e dios di kas den kama ku e bòshi di kabei di kabritu na kabes di kama.

1 Samuel 22:17

E ora ei rei a duna òrdu na e sòldánan di su guardia ku tabata pará serka dje: ‘Bini aki i mata e saserdotenan di SEÑOR, pasobra nan tambe ta tuma parti pa David. Maske nan tabata sa ku e tabata hui pa mi, nan no a laga mi sa.’ Pero e sirbidónan di rei a nenga redondamente di hisa man pa e saserdotenan di SEÑOR.

1 Samuel 28:12

Ora e muhé a mira Samuel, el a kuminsá grita duru. El a bisa Saul: ‘Pakiko bo a gaña mi? Bo ta Saul mes!’