1 Korintionan 4:4 - Beibel na Papiamentu Koriente 2013

⁴ Mi konsenshi ta limpi, pero esei no ta hasi mi inosente; ta Señor ta Esun ku ta husga mi.

Papiamentu Bible 2013

⁴ Mi konsenshi ta limpi, pero esei no ta hasi mi inosente; ta Señor ta Esun ku ta husga mi.

1 Korintionan 4:4 ပူးပေါင်းရင်းမြစ်များ

Job 15:14

Akaso hende por ta perfekto, un mortal por ta korekto den tur kos?

Job 25:4

Antó kiko un hende mester hasi awor, pa Dios deklar'é hustu? Kon un hende, nasé di muhé, por ta puru?

Job 27:6

Lo mi keda para ariba ku mi ta sin falta, ni ún solo dia di mi bida mi no a hasi nada malu nada ku por tira na mi kara.

Job 40:4

‘Kiko ami, ku no ta nada, por bisa? No a keda mi nada otro ku tapa mi boka ku mi man.

Job 9:20

Ounke mi ta inosente mi mes boka ta kondená mi. Ounke mi ta sin falta, e ta proba ku mi ta kulpabel.

Salmo 130:3

Si Bo kòrda nos pikánan, SEÑOR, ken lo por wanta bo huisio?

Salmo 143:2

No pone bo sirbiente duna kuenta, Bo dilanti ningun hende no ta limpi.

Salmo 19:12

Ken ta ripará su propio fayonan? Pordoná mi pikánan skondí.

Salmo 26:12

Mi pia ta plantá den tera firme. Lo mi bendishoná SEÑOR den gran reunion di su pueblo.

Salmo 50:6

Shelu ta anunsiá ku E ta hustu, ku Dios, E mes, ta bin husga.

Proverbionan 21:2

Segun hende tur loke e hasi, ta bon, pero ta SEÑOR ta husga intenshonnan.

Proverbionan 29:26

Hopi hende ta buska oudiensia serka un gobernante, pero ta serka SEÑOR ta haña hustisia.

Huan 21:17

Despues Hesus a puntr'é pa di tres bia: ‘Simon, yu di Huan, bo ta stima Mi?’ Pedro a bira tristu, pasobra Hesus a puntr'é esei pa di tres bia. El a kontestá: ‘Señor, Bo sa tur kos; Bo sa ku mi ta stima Bo.’ Hesus a sigui bis'é: ‘Duna mi karnénan di kome!

Echonan 23:1

Pablo a wak e miembronan di Konseho Supremo duru den nan kara i bisa nan: ‘Mi rumannan, te dia djawe mi a biba mi bida ku un konsenshi kompletamente limpi den bista di Dios.’

Romanonan 2:13

Dios no ta aseptá hende komo hustu djis pasobra e ta skucha Lei di Moises, sino pasobra e ta kumpli ku e Lei.

Romanonan 4:2

Si ta Abraham su mes esfuerso a pone ku Dios a asept'é komo hustu, lo e tabatin motibu pa broma! Pero e no tin motibu pa broma serka Dios!

1 Korintionan 4:3

Di mi parti, no ta importá mi mashá si boso òf kualke korte hudisial humano husga mi. De echo, ami mes no ta husga mi mes!

1 Korintionan 4:5

P'esei no husga niun hende, promé ku e tempu indiká. Warda te ora Señor bini. E lo saka na kla loke ta skondí den skuridat i lo mustra e intenshonnan ku hende tin den su kurason. Kada ken lo haña e elogio ku e meresé, serka Dios.

2 Korintionan 1:12

Ún kos ta hasi nos orguyoso: e echo ku nos konsenshi ta sigurá nos ku nos komportashon, en general i spesialmente ku boso, tabata dominá pa e simplesa i sinseridat ku Dios ta duna. No ta sabiduria di hende a guia nos, sino grasia di Dios.

2 Korintionan 5:10

Pasobra nos tur tin ku aparesé dilanti di Kristu pa E husga nos. Asina kada ken lo haña su pago pa loke el a hasi durante su bida na mundu, sea ta kos bon òf kos malu.