1 Korintionan 3:16 - Beibel na Papiamentu Koriente 2013

¹⁶ Boso no sa ku boso ta tèmpel di Dios i ku Spiritu di Dios ta biba den boso?

Papiamentu Bible 2013

¹⁶ Boso no sa ku boso ta tèmpel di Dios i ku Spiritu di Dios ta biba den boso?

1 Korintionan 3:16 ပူးပေါင်းရင်းမြစ်များ

1 Korintionan 6:19

Boso no sa ku boso kurpa ta tèmpel di Spiritu Santu? Dios a duna boso Spiritu Santu i Spiritu Santu ta biba den boso. Boso no ta di boso mes:

Ezekiel 36:27

Lo Mi drama mi spiritu den boso i perkurá pa boso kumpli ku mi leinan i sigui mi reglanan kuidadosamente.

2 Korintionan 6:16

Tèmpel di Dios no tin nada en komun ku ídolo pagano. Wèl, nos ta tèmpel di e Dios bibu. Dios mes a bisa: ‘Ami lo biba serka nan i lo Mi ta huntu ku nan. Lo Mi ta nan Dios i nan lo ta mi pueblo.’

Romanonan 8:11

Awor si Spiritu di Esun ku a lanta Hesus for di morto ta biba den boso, E mes ku a lanta Kristu, tambe lo duna boso kurpa mortal bida pa medio di su Spiritu ku ta biba den boso.

Huan 14:17

E ta e Spiritu di bèrdat, ku mundu no por risibí; pasobra nan no ta mir'É nan no konos'É. Ma boso konos'É, pasobra E ta keda serka boso i lo ta den boso.

Romanonan 8:9

Sinembargo boso no ta biba mas segun deseo pekaminoso, pero segun Spiritu Santu, ya ku Spiritu di Dios ta biba den boso. Esun ku no tin Spiritu di Kristu, no ta pertenesé na Kristu.

1 Pedro 2:5

Asina Dios lo usa boso manera piedra bibu den konstrukshon di e kas spiritual i boso lo ta saserdote santu ku ta ofresé sakrifisio spiritual ku ta agradá Dios pa medio di Hesu-Kristu.

2 Timoteo 1:14

Kuida e bon siñansa konfiá na bo, ku yudansa di Spiritu Santu ku ta biba den nos.

Hebreonan 3:6

Pero Kristu ta fiel komo e Yu nombrá riba kas di Dios. I e kas ei ta nos mes, si a lo ménos nos keda tene ku kurashi i konvikshon na loke nos ta spera.

1 Huan 4:12

Nunka niun hende no a yega di mira Dios, ma si nos stima otro, Dios ta biba den nos i su amor ta keda realmente perfekshoná den nos.

Romanonan 6:3

Òf ta lubidá boso a lubidá ku esnan ku a uni ku Kristu-Hesus pa medio di boutismo, a uni kunÉ den su morto?

1 Korintionan 9:24

Boso sa ku di tur e atletanan ku ta kore den un kareda, ta ún so ta bai ku e premio. Wèl, kore di moda ku boso ta gana e premio!

1 Korintionan 9:13

Boso no sa ku esnan ku ta traha den tèmpel ta haña nan kuminda ei? Un parti di loke ta sakrifiká den tèmpel ta bai pa esnan ku ta ofresé sakrifisio pa e pueblo den tèmpel.

1 Korintionan 6:9

Sigur sigur boso ta na altura ku esnan malbado no tin parti den reino di Dios. No gaña boso mes: hende inmoral, hende ku ta adorá dios falsu, ta kometé adulterio, ta praktiká homoseksualidat òf ta drumi ku un homoseksual,

1 Korintionan 6:16

Òf ta sa boso no sa ku esun ku uni ku un muhé di bida ta bira ún kuné físikamente? Pasobra Skritura ta bisa: ‘Nan lo bira ún kurpa.’

1 Korintionan 5:6

Boso bromamentu no ta bon! Akaso boso no sa ku un tiki zürdeg ta pone henter e mansa reis?

Hakobo 4:4

Hendenan infiel! Boso no sa ku amistat ku mundu ta nifiká enemistat ku Dios? Esun ku ke bira amigu di mundu ta bira enemigu di Dios!

Romanonan 6:16

Boso sa tòg ku esun ku entregá su mes komo katibu na un hende, ta bira su katibu di bèrdè i tin ku obedes'é. I esei ta sosodé tantu ora bo ta katibu di piká, loke ta hiba bo na morto, komo ora bo obedesé Dios, loke ta pone ku Dios ta aseptá bo komo hustu.

1 Korintionan 3:9

Nos ta kompañero den e trabou di Dios i boso ta Dios su kunuku. Boso ta e edifisio ku ta pertenesé na Dios.

1 Korintionan 3:17

Pues si un hende mester destruí Dios su tèmpel, Dios lo destruyé. Pasobra Dios su tèmpel ta santu i boso mes ta e tèmpel ei!

1 Timoteo 3:15

Pero si mi tarda, e karta akí ta pa bo sa kon hende mester komportá nan komo miembro di e famia di Dios, esta den iglesia di e Dios bibu, e iglesia ku ta pilá i sosten di bèrdat.