Yudas 1:8 - Perjanjian Baru Bahasa Melayu Maluku Utara

⁸ Bagitu lagi yang akan jadi pa orang-orang yang bawa ajaran yang tara butul skarang ini. Dorang bilang kata, dong dapa mimpi-mimpi dari Tuhan Allah yang kase bae dorang biking hal-hal kotor deng dorang pe badan, iko dong pe napsu tara bae sandiri. Dorang ini pandang enteng Tuhan Allah pe kuasa, deng dong so bicara tara bae tentang samua yang luar biasa yang ada di sorga.

Yudas 1:8 ပူးပေါင်းရင်းမြစ်များ

Lukas 11:25

Waktu dia bale pa orang itu, dia lia orang itu pe hati kosong, macam deng ruma kosong satu yang so sapu bersi kong so taator bae-bae.

Lukas 12:11

Kong kalu ada orang bawa pa ngoni untuk mo adili, biar itu di ruma ibada agama Yahudi, atau di pemerinta-pemerinta, ngoni tara usa tako tentang apa yang ngoni musti bilang atau bagimana ngoni mo babela ngoni pe diri.

Lukas 19:14

Tapi orang-orang yang tinggal satu daera deng dia itu, dorang binci pa dia. Jadi, waktu dia so barangkat, dong kirim dong pe utusan untuk bilang bagini, ‘Torang tara mau orang ini jadi torang pe raja.’

Kisah Para Rasul 23:5

Kong Paulus bilang, “Oo, maaf sudara-sudara e, kita tara tau, dia itu imam basar. Memang butul di Kitab Suci ada tulis bagini, ‘Jang ngoni bicara tara bae tentang ngoni pe pemimpin.’ ”

Kisah Para Rasul 7:27

Tapi orang yang pukul kamuka pa dia pe tamang itu tola pa Musa, kong bilang, ‘Sapa yang angka pa ngana jadi torang pe pemimpin? Sapa yang tunju pa ngana jadi torang pe tukang urus perkara?

Kisah Para Rasul 7:39

Tapi torang pe orang tua dulu-dulu tara mau dengar deng tara tarima pa Musa. Mala dalam dorang pe hati dorang suka mo bale ulang di Mesir.

1 Korintus 3:17

Kalu ada orang yang kase ancor Tuhan Allah pe Ruma, nanti Tuhan Allah akan kase hukum pa dia. Karna Tuhan Allah pe Ruma itu suci, kong ngoni itu suda Tuhan Allah pe Ruma.

1 Tesalonika 4:8

Jadi sapa yang tara tarima ajaran ini, dia bukang cuma tara tarima manusia pe kata-kata, tapi dia lagi tara tarima pa Tuhan Allah yang so kase Dia pe Roh Kudus pa ngoni.

1 Timotius 1:10

yang baseks sabarang, laki-laki yang baseks deng laki-laki, yang jaga pancuri orang kong jual untuk biking dia jadi orang karja, yang pangbafoya, yang jadi saksi yang tara butul, deng yang jaga biking hal-hal yang tara baku cocok deng ajaran yang butul.

Ibrani 13:17

Ngoni musti dengar-dengaran pa ngoni pe pemimpin-pemimpin deng biking apa yang dorang parenta. Barang, dorang yang Tuhan Allah kase tugas untuk jaga ngoni pe percaya. Deng nanti dorang me musti tanggung jawab pa Tuhan Allah apa yang dong so biking itu. Ngoni musti dengar-dengaran pa dorang, la deng bagitu, dong bisa karja deng hati yang sanang. Tapi kalu ngoni tara dengar-dengaran pa dorang, dong pe hati susa, kong itu nanti biking ngoni rugi.

1 Petrus 2:17

Ngoni musti hormati pa samua orang deng sayang pa ngoni pe sudara-sudara yang sama-sama percaya. Ngoni me musti tako pa Tuhan Allah, deng hormati pa raja basar Roma.