Yudas 1:5 - Perjanjian Baru Bahasa Melayu Maluku Utara

⁵ Samua yang kita bilang ini ngoni so tau, tapi kita akan kase inga lagi: Tuhan Allah pasti kase hukuman pa orang yang biking jahat. Dulu, Tuhan Allah kase bebas pa orang-orang Israel dari bangsa Mesir yang jaja pa dorang, tapi abis itu, dari dorang ada yang tara percaya lagi pa Tuhan, jadi Dia kase mati pa dorang itu.

Yudas 1:5 ပူးပေါင်းရင်းမြစ်များ

Roma 15:15

Tapi biar bagitu, kita tara malu kase inga pa ngoni di surat ini babarapa ajaran, barang memang itu tugas yang Tuhan Allah kase pa kita, karna Dia pe bae pa kita.

Ibrani 3:16

Sapa itu orang-orang yang dengar Tuhan Allah pe suara tapi dong masi bakapala batu pa Dia? Dorang itu orang-orang Israel to, yang nabi Musa so pimpin supaya kase bebas pa dorang dari bangsa Mesir yang jaja pa dorang!

2 Petrus 3:1

Sudara-sudara yang kita sayang, ini kita pe surat yang kedua pa ngoni. Di dua surat yang kita tulis pa ngoni, kita berusaha kase inga ulang apa yang ngoni so tau, supaya ngoni tetap smangat untuk pikir yang bae tentang itu.

1 Yohanes 2:20

Tapi ngoni, Tuhan Allah so kase Roh Kudus untuk kuasai pa ngoni, deng karna itu, ngoni samua so tau ajaran yang butul.

1 Yohanes 2:21

Kita tulis surat ini pa ngoni, bukang karna ngoni tara tau ajaran yang butul, tapi karna ngoni so tau itu, deng ngoni me tau, tarada yang tara butul di ajaran yang butul itu.