Yudas 1:23 - Perjanjian Baru Bahasa Melayu Maluku Utara

²³ Ngoni me musti tolong pa orang-orang yang mo dapa hukuman dari Tuhan supaya dorang bole slamat. Ngoni biking bagitu sama deng ngoni so hela pa dorang kaluar dari api. Kase tunju ngoni pe rasa kasiang pa orang-orang berdosa, tapi ngoni musti ati-ati supaya ngoni tara iko biking dosa sama deng dorang. Dosa yang ada pa dong pe diri itu ngoni binci sama deng ngoni tara suka lia pakeang kotor.

Yudas 1:23 ပူးပေါင်းရင်းမြစ်များ

Roma 11:14

karna kita harap deng kita pe tugas ini, kita bisa biking kita pe sudara orang Yahudi yang satu bangsa deng kita jadi cemburu. Barang kalu dorang lia ada orang dari bangsa laeng dapa slamat, sapa tau deng bagitu, ada dari dorang yang bole percaya la dapa slamat lagi.

1 Korintus 15:33

Ngoni so tau itu sala, jadi jang iko. Sama deng yang torang jaga dengar orang bilang bagini, “Kalu ngoni batamang deng orang yang pe kalakuang tara bae, ngoni pe kalakuang me akan beruba jadi tara bae lagi.”

1 Korintus 3:15

Tapi kalu waktu Tuhan priksa kong dapa orang so tara biking bagus karja yang Tuhan kase, orang itu akan rugi. Orang itu memang slamat dari dosa-dosa, tapi dia tara dapa upah. Itu sama deng dia pe ruma tabakar, dia lari kaluar dari ruma itu, tapi amper mati.

2 Korintus 5:11

Karna torang tau Tuhan mo adili pa torang, jadi deng rasa tako pa Tuhan, torang berusaha kase yakin orang supaya dorang me jadi percaya pa Tuhan Yesus. Tuhan Allah tau torang pe dalam hati, kong kita harap ngoni me tau itu lagi.

2 Tesalonika 3:14

Kalu ada orang yang tara mau iko yang torang tulis di surat ini, ngoni musti ati-ati deng jang batamang deng dia, supaya dia jadi malu.

1 Timotius 4:16

Ngana musti jaga bae-bae ngana pe cara hidup, deng jaga supaya ngana cuma ajar ajaran yang butul. Ngana musti biking samua itu turus. Kalu ngana biking samua itu, Tuhan Allah mo kase slamat pa ngana deng orang-orang yang dengar pa ngana.

2 Yohanes 1:11

Barang, sapa yang tarima deng kase salam pa orang itu, itu sama saja deng dia so biking yang jahat sama deng orang itu biking.

Yudas 1:22

Ngoni me musti kase tunju ngoni pe rasa kasiang, deng bantu pa orang-orang yang masi ragu pa Tuhan.

Wahyu 3:18

Jadi Kita kase nasehat pa ngoni bagini: Kita so ada barang yang berharga sama deng mas yang dapa bakar di api supaya jadi murni, jadi ngoni musti bili suda supaya Kita lia ngoni butul-butul kaya pa Kita pe muka. Kita me ada baju puti bersi, ngoni musti bili kong pake la Kita lia ngoni tara talanjang lagi yang biking ngoni jadi malu. Kita me ada obat mata yang kase sembu mata. Jadi ngoni musti bili suda obat itu pa Kita la ngoni bisa lia butul-butul.

Wahyu 3:4

Tapi ada babarapa orang di Sardis yang dorang pe hidup bersi pa Tuhan Allah pe muka, dorang itu sama deng orang yang jaga dong pe baju la jang kotor. Kong dorang itu nanti akan bajalang sama-sama deng Kita pake baju puti, karna dorang memang pantas bajalang sama-sama deng Kita.