Yudas 1:16 - Perjanjian Baru Bahasa Melayu Maluku Utara

¹⁶ Orang-orang itu cuma mengelu-mengelu deng suka kase sala orang laeng. Dorang hidup cuma iko dong pe keinginan tara bae. Dorang pe bicara angka-angka dong pe diri sandiri, kong suka cari muka deng baambe hati di orang la dorang dapa untung.

Yudas 1:16 ပူးပေါင်းရင်းမြစ်များ

Lukas 15:2

Di situ ada lagi orang-orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus di situ, dorang bafeto bagini, “Cis, Orang ini batamang deng orang-orang berdosa, baru makang sama-sama deng dorang.”

Lukas 19:7

Waktu samua orang lia itu, dorang mulai bafeto, dorang bilang, “Cis, Yesus itu pigi batamu di orang berdosa pe ruma tu!”

Lukas 5:30

Di situ me ada orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus makang sama-sama deng orang-orang yang dapa anggap berdosa itu, dorang mara-mara, kong bilang pa Yesus pe murit-murit itu, “Cis, bikiapa kong ngoni deng ngoni pe Guru makang minum sama-sama deng tukang-tukang tagi pajak deng orang-orang berdosa yang laeng?”

Yohanes 6:41

Kong orang-orang agama Yahudi bafeto tentang Yesus, barang Dia bilang Dia itu suda makanang yang so turung dari sorga.

Yohanes 6:61

Tapi Yesus tau orang-orang yang jaga iko pa Dia itu ada bafeto, jadi Dia bilang pa dorang, “Bikiapa? Ngoni tara sanang deng Kita pe ajaran ini?

1 Korintus 10:10

Deng torang lagi tara bole mengelu, sama deng babarapa orang dari dorang jaga biking. Karna itu, malaekat maut kase mati pa dorang.

Galatia 5:16

Kita pe maksut bagini: ngoni musti hidup iko Roh Kudus pe mau. Kalu ngoni hidup bagitu, ngoni tara akan iko manusia pe mau yang suka biking dosa.

Galatia 5:24

Sapa saja yang so jadi Kristus Yesus pe umat, dia itu so tara iko manusia pe mau yang suka biking dosa deng napsu yang tara bae. Itu bole mo kase sama deng dia so kase mati sifat itu di atas kayu salib.

Filipi 2:14

Apa saja yang ngoni biking, biking suda itu kong jang mengelu-mengelu deng jang baku-baku malawang,

1 Tesalonika 4:5

Jang ngoni hidup iko ngoni pe napsu yang tara bae. Cuma orang-orang yang tara kanal pa Tuhan Allah yang jaga biking bagitu.

1 Timotius 6:5

Orang yang jaga kase ajar ajaran sesat itu, dong pe hidup suka baku malawang, deng dorang itu tara tau apa yang butul, kong dong kira deng hidup iko Tuhan Allah pe mau, dong mo jadi kaya.

2 Timotius 4:3

Ngana musti rajin biking itu karna akan ada dia pe waktu, orang-orang tara mau dengar lagi ajaran yang butul. Mala dorang cuma mo pangge guru-guru agama yang dorang suka. Guru-guru itu mo bilang pa dorang hal-hal yang dorang suka dengar saja supaya cuma iko dorang pe mau.

1 Petrus 1:14

Ngoni ini Tuhan Allah pe ana-ana, jadi ngoni dengar-dengaran suda pa Dia, deng jang ngoni iko keinginan yang tara bae yang kuasai ngoni pe hidup dulu waktu ngoni bolong percaya pa Tuhan.

1 Petrus 2:11

Sudara-sudara yang kita sayang, ngoni orang-orang percaya ini sama deng orang-orang pendatang deng orang-orang yang cuma hidup sementara saja di dunia ini. Jadi kita kase nasehat pa ngoni, jang ngoni hidup iko ngoni pe keinginan yang tara bae yang salalu baku lawan deng ngoni pe mau untuk biking barang yang bae.

1 Petrus 4:2

Jadi selama ngoni masi hidup di dunia, ngoni pake waktu yang ada untuk iko Tuhan Allah pe mau, jang iko manusia pe keinginan.

2 Petrus 2:10

Lebe-lebe lagi pa orang-orang yang cuma hidup iko dong pe napsu yang tara bae, deng yang pandang enteng Tuhan Allah pe kuasa yang luar biasa. Guru-guru palsu itu barani skali deng makang puji, sampe dorang tara tako-tako mo bahina pa samua yang berkuasa di sorga.

2 Petrus 2:18

Barang, dorang kalu bicara, makang puji skali, padahal yang dong bicara itu tara ada guna. Dorang buju orang-orang yang baru percaya pa Tuhan supaya dorang biking barang yang tara bae iko manusia pe napsu saja. Padahal orang-orang yang dapa buju itu bolong lama talapas dari dong pe percaya yang sala.

2 Petrus 3:3

Ini yang paling penting yang ngoni musti tau, kalu so mo kiamat, nanti ada banya orang yang suka bahina torang pe percaya, barang dorang hidup cuma iko dong pe keinginan yang jahat.

Yudas 1:15

Dia datang untuk adili pa samua orang, deng Dia lagi mo hukum pa orang-orang yang tara semba pa Tuhan Allah karna samua dong pe kalakuang yang tara iko Tuhan Allah pe mau deng samua dong pe kata-kata kasar tentang Tuhan.”

Yudas 1:18

Dorang bilang, nanti waktu so mo kiamat, akan datang orang-orang yang suka bahina torang pe percaya. Dorang itu akan hidup iko dong pe napsu yang baku lawan deng Tuhan Allah pe mau.