Yudas 1:1 - Perjanjian Baru Bahasa Melayu Maluku Utara

¹ Sudara-sudara, ngoni yang Tuhan Allah torang pe Bapa so pangge untuk iko pa Dia, yang Dia sayang, deng yang Dia salalu jaga sampe Yesus Kristus datang ulang. Salam dari kita Yudas. Kita ini Yakobus pe sudara, deng kita me yang jaga biking apa yang Yesus Kristus suru.

Yudas 1:1 ပူးပေါင်းရင်းမြစ်များ

Matius 10:3

Filipus, Bartolomeus, Tomas, Tadeus, Matius (tukang tagi pajak), deng Yakobus (Alfeus pe ana).

Matius 13:55

Padahal Dia itu cuma tukang kayu pe ana, to? Dia pe mama itu Maria, kong Dia pe sudara-sudara laki-laki pa Yakobus, Yusuf, Simon deng Yudas lagi, to?

Markus 3:18

Andreas, Filipus, Bartolomeus, Matius, Tomas, Yakobus (Alfeus pe ana), Tadeus, Simon (dari Gerakan Yahudi Merdeka), deng

Markus 6:3

Padahal Dia itu cuma tukang kayu. Dia pe mama Maria, Dia pe sudara pa Yakobus, Yoses, Yudas deng Simon. Dia pe sudara-sudara parampuang me ada sama-sama deng torang di sini, to?” Karna orang-orang di situ tau itu, dorang tara tarima pa Dia.

Lukas 6:16

Yudas (Yakobus pe ana), deng Yudas Iskariot yang nanti mo bahianat pa Yesus.

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Yohanes 14:22

Kong Yudas yang bukang Yudas Iskariot, bilang pa Yesus, “Tuhan, bikiapa kong cuma pa torang saja Tuhan mo kase tunju Tuhan pe diri, kong pa orang-orang laeng yang ada di dunia ini tarada?”

Yohanes 15:16

Bukang ngoni yang pili pa Kita, tapi Kita yang pili pa ngoni jadi Kita pe murit. Kita so kase tugas pa ngoni, supaya ngoni pigi untuk biking hal-hal bae yang dia pe hasil mo ada turus. Deng bagitu, apa saja yang ngoni minta pa Kita pe Bapa pake Kita pe nama, Dia mo kase itu pa ngoni.

Yohanes 17:15

Bapa, Kita tara minta pa Bapa supaya Bapa kase jao pa dorang dari orang-orang yang tara percaya pa Bapa. Tarada. Tapi Kita minta supaya Bapa jaga pa dorang dari Iblis, setang-setang pe raja.

Yohanes 17:17

Bapa, pake Bapa pe firman suda untuk biking dorang jadi orang yang hidup cuma biking Bapa pe mau. Barang, Bapa pe firman itu butul.

Yohanes 17:19

Bapa, Kita serakan Kita pe hidup pa Bapa. Kita biking bagitu untuk Kita pe orang-orang yang iko pa Kita, supaya dorang lagi mo serakan dorang pe hidup pa Bapa iko ajaran yang butul itu.”

Yohanes 6:39

Dia pe mau itu supaya samua orang yang Dia so kase pa Kita, tara akan mati slama-lamanya, tapi di hari kiamat, Kita mo kase hidup ulang pa dorang.

Kisah Para Rasul 1:13

Waktu dorang sampe di kota Yerusalem, dorang pigi di ruma yang dong tinggal kong nae ka atas di tingkat. Dorang itu: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (Alfeus pe ana), Simon (dari gerakan Yahudi Merdeka) deng Yudas (Yakobus pe ana).

Kisah Para Rasul 20:32

Jadi skarang, kita minta Tuhan Allah jaga pa ngoni deng bantu ngoni inga turus Dia pe firman tentang Dia pe bae pa ngoni. Firman itu yang bisa kase kuat ngoni pe percaya, deng yang nanti mo kase pa ngoni samua yang Dia so janji mo kase pa orang-orang yang Dia so biking jadi Dia pe umat sandiri.

Kisah Para Rasul 27:23

Kita tau apa yang mo jadi pa torang, barang Tuhan Allah so kase tau pa kita. Tuhan Allah itu yang so biking kita jadi Dia pe umat deng yang kita semba. Tadi malam Dia pe malaekat datang badiri pa kita pe pinggir.

Roma 1:1

Sudara-sudara yang percaya di kota Roma. Salam dari kita Paulus. Kita ini orang yang jaga biking apa yang Kristus Yesus suru. Dia pili pa kita jadi Dia pe utusan yang orang jaga sebut rasul, deng Dia me kase tugas kusus pa kita untuk kase tau Kabar Bae dari Tuhan Allah pa orang-orang.

Roma 1:6

Kong ngoni me termasuk di samua suku bangsa itu, Tuhan Allah so pili pa ngoni jadi Yesus Kristus pe umat.

Roma 16:18

Barang orang-orang yang macam bagitu, sebenarnya dorang tara karja untuk Yesus Kristus torang pe Tuhan, tapi dorang karja iko dong pe mau sandiri. Dorang buju deng kata-kata yang kase sadap di talinga pa orang yang masi bolong mangarti mana yang bae deng mana yang tara bae, sampe orang-orang me iko pa dorang pe ajaran yang tara butul.

Roma 6:22

Tapi skarang Tuhan Allah so kase bebas pa ngoni dari dosa, jadi dosa so tara jadi ngoni pe tuang lagi. Deng ngoni so serakan ngoni pe diri jadi Tuhan Allah pe suru-suru. Dia pe untung, Tuhan Allah so biking ngoni jadi Dia pe umat yang hidup cuma biking Dia pe mau. Kong dia pe ahir kabawa, ngoni mo hidup deng Tuhan Allah slama-lamanya.

Roma 8:30

Kong dorang yang Tuhan Allah so pili dari dulu itu, Dia pangge pa dorang jadi Dia pe umat. Dorang itu, Tuhan Allah biking jadi orang yang tara sala pa Dia pe muka. Kong nanti dorang itu mo dapa puji deng hormat sama-sama deng Dia.

Roma 9:24

Kong orang-orang itu bukang cuma torang orang Yahudi saja tapi orang yang bukang Yahudi lagi.

1 Korintus 1:2

Kita tulis surat ini untuk ngoni Tuhan Allah pe jemaat yang ada di kota Korintus. Dia so biking ngoni jadi Dia pe umat sandiri yang bersi dari dosa, karna ngoni so percaya pa Yesus Kristus. Dia pangge pa ngoni untuk jadi Dia pe umat, sama-sama deng samua orang percaya di sagala tampa, yang salalu semba deng puji pa Yesus Kristus, torang samua pe Tuhan.

1 Korintus 6:11

Deng ada babarapa dari ngoni yang dulu pe kalakuang tara bae bagitu. Tapi skarang so tarada, karna Tuhan Allah so kase bersi pa ngoni dari dosa. Tuhan Allah so biking ngoni jadi Dia pe umat sandiri deng biking ngoni jadi orang yang tara sala pa Dia pe muka. Tuhan Allah biking samua itu karna Tuhan Yesus Kristus so mati untuk kase slamat pa torang, deng karna Roh dari torang pe Tuhan Allah bakarja di ngoni pe hati.

Efesus 5:26

Yesus Kristus mati, supaya torang Dia pe jemaat bole jadi Dia pe umat yang bersi dari dosa karna torang so dengar Dia pe firman deng torang so dapa baptis.

1 Tesalonika 2:12

Itu, torang kase smangat deng kase kuat ngoni pe hati supaya ngoni pe hidup pantas untuk orang yang iko pa Tuhan Allah. Tuhan Allah pangge pa ngoni la jadi Dia pe umat yang Dia berkuasa sebagai Raja, kong ngoni nanti dapa puji deng hormat sama-sama deng Dia.

1 Tesalonika 5:23

Tuhan Allah yang biking torang pe hati tetap tenang, jadi torang minta supaya Dia biking ngoni jadi Dia pe umat sandiri yang hidup deng hati bersi. Torang minta supaya Dia jaga ngoni pe badan, hati deng jiwa, supaya ngoni tarada sala apa-apa waktu torang pe Tuhan Yesus Kristus datang ulang.

2 Timotius 1:9

Tuhan Allah yang so kase slamat pa torang dari dosa-dosa deng Dia pangge pa torang untuk jadi Dia pe umat sandiri la hidup deng hati bersi. Dia biking samua itu bukang karna torang ada biking yang bae, tapi karna Tuhan Allah pe mau deng karna Dia pe hati bae pa manusia. Memang, dari dulu waktu Tuhan Allah bolong biking dunia ini, Dia so sayang pa torang, jadi Tuhan Allah biking rencana Kristus Yesus datang di dunia.

2 Timotius 4:18

Tuhan Allah kase lapas pa kita dari samua orang pe rencana yang jahat, yang mo biking kita cilaka. Dia mo bawa pa kita di sorga, di situ Dia Berkuasa sebagai Raja. Dia itu suda yang torang puji deng hormat sampe slama-lamanya! Amin.

Ibrani 3:1

Sudara-sudara yang so jadi Tuhan Allah pe umat, yang so dapa pangge untuk hidup sama-sama deng Dia di sorga, coba ngoni pikir bae-bae tentang Yesus Kristus yang torang so percaya. Dia itu Tuhan Allah pe Utusan deng Dia lagi Imam Basar, karna Dia biking sampe torang manusia deng Tuhan Allah pe hubungan bisa jadi bae ulang.

Yakobus 1:1

Sudara-sudara dua blas suku Israel yang so percaya pa Yesus Kristus, yang merantau di tampa-tampa laeng. Salam dari kita, Yakobus. Kita ini orang yang jaga biking apa yang Tuhan Allah deng Tuhan Yesus Kristus suru.

1 Petrus 1:2

Tuhan Allah, torang pe Bapa so pili pa ngoni iko Dia pe rencana yang dari dulu. Kong Dia pe Roh yang biking ngoni jadi Dia pe umat supaya ngoni dengar-dengaran pa Yesus Kristus, deng supaya Dia pe dara yang so tatumpa biking ngoni jadi bersi dari dosa-dosa. Kita minta pa Tuhan Allah, supaya Dia kase Dia pe bae pa ngoni, deng Dia biking ngoni pe hati tetap tenang, kong Dia kase samua itu talebe-lebe.

1 Petrus 1:5

Ngoni ini, Tuhan Allah ada jaga deng Dia pe kuasa karna ngoni percaya pa Dia. Dia jaga pa ngoni sampe ngoni mo dapa slamat dari dosa-dosa. Slamat itu yang Dia so kase sadia di hari kiamat nanti.

1 Petrus 2:9

Tapi ngoni ini suda yang Tuhan Allah so pili jadi Dia pe umat, kong biking ngoni jadi sama deng imam yang jaga layani pa Dia yang jadi torang pe Raja. Dia kase pisa pa ngoni dari samua orang untuk jadi Dia pe umat sandiri, kong ngoni jadi Dia pe rakyat yang pe hati bersi pa Dia pe muka. Ngoni jadi bagitu, supaya ngoni bole kase tau pa orang-orang hal-hal luar biasa yang Dia so biking. Dia itu suda yang so pangge pa ngoni kaluar dari galap, maso pa Dia pe tarang yang luar biasa.

1 Petrus 5:10

Tapi siksa yang ngoni rasa itu cuma sementara saja. Nanti Tuhan Allah sandiri yang mo kase bae-bae ngoni pe keadaan, kase kuat ngoni pe hati, kase kuat ngoni pe percaya, deng biking ngoni tetap percaya pa Dia. Dia itu suda Tuhan Allah yang kase Dia pe bae pa manusia, yang so pangge pa ngoni untuk percaya pa Yesus Kristus, kong ngoni mo rasa Dia pe kuasa yang luar biasa untuk slama-lamanya.

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

Yudas 1:21

Tuhan Allah sayang pa ngoni, jadi ngoni musti tetap yakin Dia pe sayang itu. Ngoni me musti tunggu-tunggu Yesus Kristus torang pe Tuhan datang ulang. Waktu Dia datang ulang, Dia mo kase tunju Dia pe rasa kasiang pa torang supaya torang bole hidup deng Tuhan Allah slama-lamanya.

Yudas 1:3

Sudara-sudara yang kita sayang, sementara kita tulis surat pa ngoni tentang slamat yang torang so tarima, kita rasa ada yang musti kita tulis kamuka, supaya ngoni berusaha butul-butul untuk tetap batahang deng ngoni pe percaya. Kong ngoni pe percaya itu musti iko Tuhan Allah pe ajaran yang Dia so kase satu kali untuk slama-lamanya pa torang yang so jadi Dia pe umat.