Yohanes 9:39 - Perjanjian Baru Bahasa Melayu Maluku Utara

³⁹ Kong Yesus bilang, “Kita datang di dunia ini supaya kase tunju sapa yang butul deng sapa yang sala. Orang yang bolong kanal pa Tuhan Allah, Kita kase kanal Tuhan Allah pa dorang supaya dorang jadi sama deng orang buta yang bole dapa lia. Kong orang yang bilang kata, dong sandiri so kanal Tuhan Allah, dorang akan jadi sama deng orang buta.”

Yohanes 9:39 ပူးပေါင်းရင်းမြစ်များ

Matius 11:5

orang buta so bisa dapa lia, orang lumpu so bisa bajalang, orang lepra so sembu, orang pongo so bisa dengar, orang mati so hidup ulang, deng orang miskin so dengar Kabar Bae dari Tuhan Allah.”

Matius 15:14

Jadi ngoni kase biar saja pa orang Farisi itu. Karna dorang itu sama deng orang buta tunda orang buta. Kalu orang buta kase tunju jalang pa orang buta laeng, dua-dua pasti jatu di lobang.”

Matius 6:23

Tapi kalu ngoni pe mata tara lia deng jelas, ngoni pe hidup lagi jadi galap. Jadi, kalu tarang yang ada pa ngoni pe hidup so jadi galap, itu pe arti, ngoni pe hidup so galap skali.

Lukas 1:79

la kase sinar. Dia itu mo datang kase tarang pa orang-orang yang hidup dalam galap, deng pa orang-orang yang hidup deng rasa tako. Dia mo datang pa torang supaya torang tau jalang hidup yang biking torang pe hati salalu tenang.”

Lukas 13:30

Perhatikan bae-bae, di situ banya orang penting di dunia ini, nanti jadi orang yang tara penting, kong orang yang tara penting di dunia ini, nanti jadi orang penting.”

Lukas 2:34

Turus, Simeon berdoa supaya Tuhan Allah kase Dia pe bae pa Yusuf, Maria deng pa Anak itu. Kong dia bilang pa Maria, Anak itu pe mama, “Karna Anak ini, banya orang Israel akan tara percaya kong dapa hukum dari Tuhan Allah, tapi ada banya orang Israel laeng lagi yang mo percaya kong dapa slamat. Kong Anak ini jadi tanda, Dia dari Tuhan Allah, tapi banya orang tara akan tarima pa Dia.

Lukas 4:18

“Tuhan Allah pe Roh ada pa Kita. Barang Dia so pili pa Kita untuk kase tau Kabar Bae pa orang-orang susa. Dia so utus pa Kita

Lukas 7:21

Waktu dorang datang itu, Yesus sementara kase sembu banya orang dari dong pe panyake macam-macam. Dia me user setang-setang dari orang-orang yang kemasukan. Deng Dia me ada kase sembu banya orang buta sampe dong bisa dapa lia lagi.

Yohanes 12:31

Skarang ini Tuhan Allah mo adili pa orang-orang yang ada di dunia ini, kong Iblis, setang-setang pe raja yang ada kuasa di dunia ini me Tuhan Allah mo kase kala.

Yohanes 12:46

Kita datang di dunia ini sebagai Tarang, supaya sapa saja yang percaya pa Kita, dia itu so tara hidup lagi di dalam galap.

Yohanes 3:17

Barang, Tuhan Allah utus pa Dia pe Anak datang di dunia ini bukang untuk hukum pa orang karna dorang pe dosa, tapi supaya kase slamat pa orang-orang di dunia ini.

Yohanes 3:19

Tuhan Allah so sadia hukuman itu karna bagini: Anak Allah datang di dunia ini untuk kase tarang manusia pe hati, tapi manusia lebe suka galap daripada tarang, karna manusia pe kalakuang jahat.

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 8:15

Ngoni jaga kase sala orang iko manusia pe pikiran, tapi Kita, biar cuma satu orang me Kita tara kase sala.

Yohanes 9:25

Orang yang dulu buta itu jawab, “Orang itu berdosa ka tarada, kita tara tau. Tapi yang kita tau, tempo hari kita buta, tapi skarang kita so bisa dapa lia.”

Kisah Para Rasul 26:18

Ngana ka sana untuk buka dorang pe pikiran supaya dorang tara hidup lagi di galap tapi hidup di tarang, supaya dorang talapas dari Iblis, setang-setang pe raja pe kuasa, kong Tuhan Allah pe kuasa mo ada sama-sama deng dorang. Kong karna dorang so percaya pa Kita, dorang pe dosa-dosa mo dapa ampun deng dorang mo dapa samua yang Tuhan Allah janji mo kase pa orang-orang yang Dia so biking jadi Dia pe umat.’

2 Korintus 2:16

Untuk orang-orang yang akan mati tapisa deng Tuhan Allah karna tara tarima Kabar Bae itu, dong anggap torang yang percaya pa Yesus Kristus macam deng bobou bangke, barang torang kase tau Tuhan Allah akan biking dorang mati tapisa dari Dia. Tapi untuk orang-orang yang mo dapa hidup deng Tuhan Allah slama-lamanya karna tarima Kabar Bae itu, dong anggap torang macam deng bobou sadap, karna torang kase tau Kabar Bae yang biking dong dapa hidup deng Tuhan Allah slama-lamanya. Kong kita mo tanya, sapa yang mampo biking tugas ini?

Efesus 5:14

Itu dia pe sebab sampe ada orang yang bilang bagini, “Ee ngoni yang masi tidor, bangun suda, ngoni ini sama deng orang yang so mati, ngoni musti hidup ulang. Barang, Yesus Kristus mo kase tarang ngoni pe hati.”

2 Tesalonika 2:10

Orang jahat itu mo pake banya cara yang tara bae, la mo tipu pa orang-orang yang akan tapisa deng Tuhan Allah slama-lamanya. Dorang itu mo tapisa deng Tuhan Allah karna dorang tara mau dengar ajaran yang butul tentang Tuhan Yesus yang mo kase slamat pa dorang.

1 Petrus 2:9

Tapi ngoni ini suda yang Tuhan Allah so pili jadi Dia pe umat, kong biking ngoni jadi sama deng imam yang jaga layani pa Dia yang jadi torang pe Raja. Dia kase pisa pa ngoni dari samua orang untuk jadi Dia pe umat sandiri, kong ngoni jadi Dia pe rakyat yang pe hati bersi pa Dia pe muka. Ngoni jadi bagitu, supaya ngoni bole kase tau pa orang-orang hal-hal luar biasa yang Dia so biking. Dia itu suda yang so pangge pa ngoni kaluar dari galap, maso pa Dia pe tarang yang luar biasa.

1 Yohanes 2:11

Tapi sapa yang binci pa dia pe sudara yang percaya pa Tuhan, dia itu masi hidup di galap. Dia tara tau mo pigi di mana, karna galap itu yang biking sampe dia so tara lia apa-apa.