Yohanes 9:34 - Perjanjian Baru Bahasa Melayu Maluku Utara

³⁴ Kong dorang bilang pa dia, “Ee, ngana ini so berdosa memang dari ngana lahir, kong masa ngana mo ajar pa torang lagi?” Kong mulai waktu itu suda, dorang larang pa dia maso di ruma ibada agama Yahudi.

Yohanes 9:34 ပူးပေါင်းရင်းမြစ်များ

Lukas 11:45

Kong ada guru agama Yahudi satu yang ahli lima kitab Musa, bilang bagini pa Yesus, “Bapa Guru, deng Bapa pe kata-kata tadi itu, itu sama deng Bapa so hina lagi pa torang.”

Lukas 14:11

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Lukas 18:17

Inga bae-bae yang Kita mo bilang pa ngoni ini: sapa yang tara tarima pa Tuhan Allah sama deng ana yang tara sombong, dia tara akan jadi Tuhan Allah pe umat yang Dia Berkuasa sebagai Raja pa dia pe hidup.”

Lukas 6:22

Paling sanang suda ngoni yang karna ngoni iko pa Anak Manusia, orang binci pa ngoni, tara tarima pa ngoni, hina pa ngoni, deng kase tara bae ngoni pe nama.

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Yohanes 8:41

Tapi ngoni so biking iko ngoni pe papa yang laeng pe conto.” Dorang jawab, “Ee, torang ini bukang ana di luar nika. Torang pe Bapa cuma satu, Dia itu Tuhan Allah.”

Yohanes 9:2

Turus, Yesus pe murit-murit batanya pa Yesus, “Guru, bikiapa kong orang ini lahir buta? Dia buta karna dia pe dosa sandiri atau gara-gara dia pe orang tua pe dosa?”

Yohanes 9:22

Dia pe orang tua bilang bagitu, karna dorang tako pa pemimpin-pemimpin agama Yahudi. Barang, pemimpin-pemimpin agama Yahudi itu so baku ator, kalu ada orang yang mangaku Yesus itu Mesias, Raja yang Tuhan Allah janji mo kase slamat pa manusia, orang itu dapa larang maso di ruma ibada agama Yahudi.

Yohanes 9:35

Yesus dapa dengar, orang yang dulu buta itu so dapa larang maso lagi di ruma ibada agama Yahudi. Kong Yesus pigi baku dapa deng orang itu, turus bilang pa dia, “Ngana percaya pa Anak Manusia yang dari sorga?”

Yohanes 9:40

Pe dengar Yesus bilang bagitu, babarapa orang Yahudi dari aliran Farisi bilang pa Dia, “Jadi menurut Bapa, torang ini me buta lagi?”

1 Korintus 5:13

Dorang di luar jemaat yang bolong percaya itu, nanti Tuhan Allah yang mo adili pa dorang. Ngoni musti biking apa yang so tatulis di Kitab Suci, “User kase kaluar dari ngoni pe jemaat orang yang bilang kata, dia sama-sama percaya deng ngoni, padahal dia jaga biking barang yang jahat!”

Galatia 2:15

Kita deng Petrus so memang orang Yahudi dari lahir. Torang tara sama deng orang yang bukang Yahudi. Orang yang bukang Yahudi, dorang itu tara iko aturan di lima kitab Musa, jadi orang Yahudi anggap dorang orang berdosa.

Efesus 2:3

Dulu torang samua itu sama deng dorang lagi, torang hidup cuma iko manusia pe mau yang suka biking dosa, deng torang cuma iko torang pe keinginan deng pikiran yang tara bae. Sebenarnya torang pantas dapa hukum dari Tuhan Allah, karna yang torang biking itu jahat, sama deng samua orang di dunia jaga biking.

1 Petrus 5:5

Bagitu lagi deng ngoni yang masi muda, ngoni musti dengar-dengaran pa orang-orang yang lebe tua. Ngoni samua musti baku bantu deng jang basombong satu deng yang laeng, karna ada tatulis di Kitab Suci bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”

3 Yohanes 1:10

Jadi, kalu kita ka sana di situ, kita mo kase tau turus tarang pa ngoni tentang samua yang dia biking, karna dia so carita tara bae untuk mo kase jatu pa torang. Tapi samua itu bolong cukup pa dia. Barang, waktu sudara-sudara yang percaya datang, dia tara mau tarima pa dorang. Mala, dia larang pa orang-orang di jemaat situ untuk tarima pa sudara-sudara yang datang itu. Kalu dorang tarima pa orang yang datang itu, dia user pa dorang dari jemaat.

3 Yohanes 1:9

Kita so perna tulis surat sadiki untuk jemaat di situ, tapi Diotrefes tara mau dengar pa kita, barang dia suka skali jadi tuang basar di jemaat.

Wahyu 13:17

Kalu orang tara dapa cap itu, dorang tara bole bajual atau babili apa-apa. Di cap itu ada tatulis binatang pertama pe nama, deng dia pe nomor.