Yohanes 9:22 - Perjanjian Baru Bahasa Melayu Maluku Utara

²² Dia pe orang tua bilang bagitu, karna dorang tako pa pemimpin-pemimpin agama Yahudi. Barang, pemimpin-pemimpin agama Yahudi itu so baku ator, kalu ada orang yang mangaku Yesus itu Mesias, Raja yang Tuhan Allah janji mo kase slamat pa manusia, orang itu dapa larang maso di ruma ibada agama Yahudi.

Yohanes 9:22 ပူးပေါင်းရင်းမြစ်များ

Lukas 6:22

Paling sanang suda ngoni yang karna ngoni iko pa Anak Manusia, orang binci pa ngoni, tara tarima pa ngoni, hina pa ngoni, deng kase tara bae ngoni pe nama.

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 16:2

Barang, deng ngoni iko pa Kita, nanti ada dia pe waktu, pemimpin-pemimpin agama Yahudi so tara kase bae pa ngoni mo baibada lagi di ruma-ruma ibada. Mala mo ada dia pe waktu lagi, orang-orang mo bunu pa ngoni, barang dorang pikir, itu Tuhan Allah pe mau.

Yohanes 19:38

Ada satu orang dia pe nama Yusuf, dia itu orang Arimatea. Dia lagi orang yang jaga iko pa Yesus, tapi dia jaga babasambunyi karna tako pa pemimpin-pemimpin agama Yahudi. Waktu Yesus mati, Yusuf ini datang pa Pilatus untuk minta ijin mo ambe Yesus pe mayat la dia kubur. Kong Pilatus kase ijin pa Yusuf. Jadi Yusuf pi kase turung Yesus pe mayat la mo kubur.

Yohanes 20:19

Di hari Minggu malam itu, Yesus pe murit-murit ada bakumpul di ruma satu. Samua pintu ruma dong kunci, barang dong tako pa pemimpin-pemimpin agama Yahudi. Waktu itu, Yesus datang pa dorang kong badiri pa dorang pe tenga-tenga, turus Dia kase salam pa dorang bagini, “Dame dari Tuhan Allah ada pa ngoni!”

Yohanes 7:13

Tapi tara ada satu orang yang barani bicara di orang banya pe muka tentang Dia, karna dorang tako pa pemimpin-pemimpin agama Yahudi itu.

Yohanes 9:18

Tapi dorang itu tetap tara percaya orang itu perna buta kong skarang so dapa lia. Jadi dorang pangge dia pe papa deng mama,

Yohanes 9:21

Tapi bagimana sampe dia so dapa lia skarang, itu torang tara tau, deng sapa yang biking sampe dia bisa dapa lia, itu me torang tara tau. Coba bapa-bapa tanya sandiri suda pa dia. Dia itu so basar, jadi dia bisa jawab sandiri.”

Yohanes 9:34

Kong dorang bilang pa dia, “Ee, ngana ini so berdosa memang dari ngana lahir, kong masa ngana mo ajar pa torang lagi?” Kong mulai waktu itu suda, dorang larang pa dia maso di ruma ibada agama Yahudi.

Yohanes 9:35

Yesus dapa dengar, orang yang dulu buta itu so dapa larang maso lagi di ruma ibada agama Yahudi. Kong Yesus pigi baku dapa deng orang itu, turus bilang pa dia, “Ngana percaya pa Anak Manusia yang dari sorga?”

Kisah Para Rasul 4:18

Pe abis baku ator, dorang pangge pa Petrus deng Yohanes maso ulang di tampa urus perkara. Kong di situ dorang larang pa dorang dua, supaya jang dong dua mangajar lagi pa orang-orang tentang Yesus.

Kisah Para Rasul 5:13

Kong, orang-orang laeng tara ada yang barani bagabung deng dorang. Tapi dorang hormati skali pa orang-orang percaya deng pa rasul-rasul itu.

Kisah Para Rasul 5:40

Turus, dorang pangge pa rasul-rasul itu kong dong cuma suru pukul pa dorang deng tali. Dorang me larang pa rasul-rasul itu, supaya jang kase ajar tentang Yesus pa orang-orang. Abis itu, dorang kase bebas pa rasul-rasul itu.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”