Yohanes 9:21 - Perjanjian Baru Bahasa Melayu Maluku Utara

²¹ Tapi bagimana sampe dia so dapa lia skarang, itu torang tara tau, deng sapa yang biking sampe dia bisa dapa lia, itu me torang tara tau. Coba bapa-bapa tanya sandiri suda pa dia. Dia itu so basar, jadi dia bisa jawab sandiri.”

Yohanes 9:21 ပူးပေါင်းရင်းမြစ်များ

Lukas 8:43

Di orang banya yang baku-baku gepe itu ada parampuang satu yang so dua blas taong menderita karna pendarahan. [Dia so kase abis samua dia pe harta untuk barobat di sagala dokter], tapi tarada satu yang bisa kase sembu pa dia.

Yohanes 5:5

Di situ, ada satu orang yang lumpu so tiga pulu delapan taong.

Yohanes 9:10

Kong dorang tanya pa dia, “Bagimana sampe ngana pe mata skarang so bole dapa lia?”

Yohanes 9:20

Kong dia pe papa deng mama jawab, “Memang butul, dia ini torang pe ana. Dia so buta dari lahir.

Yohanes 9:22

Dia pe orang tua bilang bagitu, karna dorang tako pa pemimpin-pemimpin agama Yahudi. Barang, pemimpin-pemimpin agama Yahudi itu so baku ator, kalu ada orang yang mangaku Yesus itu Mesias, Raja yang Tuhan Allah janji mo kase slamat pa manusia, orang itu dapa larang maso di ruma ibada agama Yahudi.

Yohanes 9:23

Itu yang biking sampe dia pe orang tua bilang, “Dia itu so basar, tanya sandiri suda pa dia.”

Kisah Para Rasul 9:33

Di situ, dia baku dapa deng satu orang, dia pe nama Eneas. Eneas itu so delapan taong cuma di tampa tidor karna dia lumpu.