Yohanes 9:18 - Perjanjian Baru Bahasa Melayu Maluku Utara

¹⁸ Tapi dorang itu tetap tara percaya orang itu perna buta kong skarang so dapa lia. Jadi dorang pangge dia pe papa deng mama,

Yohanes 9:18 ပူးပေါင်းရင်းမြစ်များ

Lukas 16:31

Abraham bilang pa dia, ‘Kalu dorang tara biking apa yang nabi Musa deng nabi-nabi laeng bilang, pasti dorang me tara mau percaya, biar orang mati hidup ulang kong bicara lagi.’ ”

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 5:44

Ngoni suka dapa puji deng hormat dari orang, tapi ngoni tara biking Tuhan Allah pe mau supaya ngoni dapa puji dari Tuhan Allah yang cuma satu itu. Jadi, tara mungkin ngoni mo percaya pa Kita.

Yohanes 9:19

kong dong tanya, “Dia ini ngoni pe ana to? Ngoni bilang kata, dia lahir buta, tapi bagimana kong skarang dia so bisa dapa lia?”

Yohanes 9:22

Dia pe orang tua bilang bagitu, karna dorang tako pa pemimpin-pemimpin agama Yahudi. Barang, pemimpin-pemimpin agama Yahudi itu so baku ator, kalu ada orang yang mangaku Yesus itu Mesias, Raja yang Tuhan Allah janji mo kase slamat pa manusia, orang itu dapa larang maso di ruma ibada agama Yahudi.

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.