Yohanes 8:9 - Perjanjian Baru Bahasa Melayu Maluku Utara

⁹ Waktu guru-guru agama Yahudi yang ahli lima kitab Musa deng orang-orang Yahudi dari aliran Farisi dengar Yesus bilang bagitu, dorang mulai pigi satu-satu dari situ, mulai dari yang paling tua. Kong dia pe ahir kabawa, tinggal Yesus sandiri deng parampuang itu yang masi ada di situ.

Yohanes 8:9 ပူးပေါင်းရင်းမြစ်များ

Lukas 13:17

Pe dengar Yesus pe bicara bagitu, samua orang yang jaga malawang pa Yesus jadi malu. Tapi orang banya, dorang sanang skali karna samua yang hebat yang Yesus biking itu.

Yohanes 8:10

Turus Yesus badiri kong tanya pa parampuang itu, “Ibu, dong samua yang mo hukum pa ibu so di mana? Tara ada satu orang yang kase hukuman pa ibu?”

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 8:2

Dia pe beso pagi-pagi skali, Yesus pigi ulang di Ruma Ibada Pusat pe kompleks. Banya orang datang pa Dia, turus Dia dudu kong mangajar pa dorang di situ.

Yohanes 8:3

Waktu Yesus sementara mangajar, pemimpin-pemimpin agama Yahudi datang pa Dia. Dorang itu guru-guru agama yang ahli lima kitab Musa deng orang dari aliran fanatik yang pe nama Farisi. Dorang bawa parampuang satu yang dong dapa riki ada baku tidor deng orang yang bukang dia pe laki.

Yohanes 8:8

Abis itu, Dia maruku ulang kong batulis di tana.

Roma 2:15

Deng bagitu, dari dorang pe kalakuang itu torang dapa lia jelas, di dorang pe dalam hati sama deng so ada Tuhan Allah pe aturan yang ada di lima kitab Musa. Kong dorang tau mana yang sala deng mana yang butul. Jadi laeng kali, dorang pe hati kase sala pa dorang pe diri sandiri, tapi laeng kali di dorang pe hati, dorang anggap dorang pe diri itu butul.

Roma 2:22

Torang jaga kase tau, “Jang baku suka deng orang pe laki atau orang pe bini,” bikiapa kong ada dari torang yang baku suka deng orang pe laki atau orang pe bini? Kong torang bilang, torang orang Yahudi tara suka pa orang pe puji-puji yang dong jaga semba-semba, tapi bikiapa kong ada dari torang yang suka pancuri barang-barang dari tampa yang dong jaga semba-semba itu?

1 Yohanes 3:20

biar lagi torang pe hati masi rasa bersala karna torang berdosa. Barang, Tuhan Allah lebe basar dari torang pe hati deng Dia tau samua yang torang pikir deng torang biking.