Yohanes 8:39 - Perjanjian Baru Bahasa Melayu Maluku Utara

³⁹ Dorang bilang pa Dia, “Torang pe papa itu Abraham.” Yesus bilang pa dorang, “Kalu ngoni ini butul Abraham pe turunan, tantu ngoni biking sama deng yang Abraham so biking.

Yohanes 8:39 ပူးပေါင်းရင်းမြစ်များ

Matius 3:9

Jang ngoni kira ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Matius 5:45

Kalu ngoni biking bagitu, ngoni kase tunju, ngoni itu Bapa yang di sorga pe ana-ana. Dia yang biking matahari basinar pa orang yang bae-bae deng pa orang yang jahat. Dia me yang kase turung ujang pa orang yang biking barang yang butul deng pa orang yang biking barang yang tara butul.

Yohanes 8:33

Kong dorang bilang pa Dia, “Torang ini Abraham pe turunan, kong torang tara perna jadi orang karja yang taika deng dia pe tuang. Jadi bagimana kong Bapa bilang, torang ini mo bebas?”

Yohanes 8:37

Kita tau, ngoni ini Abraham pe turunan, tapi biar bagitu ngoni berusaha mo bunu pa Kita, karna ngoni tara mau tarima Kita pe ajaran.

Yohanes 8:43

Ngoni tara mangarti deng apa yang Kita so bilang, karna ngoni tara mau tarima Kita pe ajaran.

Yohanes 8:56

Ngoni pe orang tua dulu-dulu Abraham sanang skali waktu dia masi hidup, barang dia tau Tuhan Allah pe janji, nanti dia mo lia Kita datang. Kong skarang waktu Kita datang, Abraham so lia Kita so datang, jadi dia sanang skali.”

Roma 4:12

Kong Abraham me jadi papa pa torang orang-orang Yahudi yang iko aturan sunat di lima kitab Musa. Dia jadi torang pe papa bukang karna torang dapa sunat tapi karna torang pe percaya pa Tuhan Allah sama deng Abraham pe percaya waktu dia bolong dapa sunat.

Roma 4:16

Jadi torang mo dapa Tuhan Allah pe janji itu cuma karna torang percaya pa Dia saja. Tuhan Allah kase Dia pe janji itu karna Dia pe bae, supaya samua Abraham pe turunan bole dapa Tuhan Allah pe janji. Kong Tuhan Allah pe janji itu bukang cuma untuk orang Yahudi saja yang jaga iko aturan di lima kitab Musa, tapi pa samua orang yang percaya sama deng Abraham. Abraham itu torang samua yang percaya pe papa.

Roma 9:7

Deng, tara samua Abraham pe turunan yang akan jadi Tuhan Allah pe ana-ana kong mo dapa Dia pe janji. Conto, Tuhan Allah so perna bilang pa Abraham bagini, “Cuma ngana pe turunan yang dari ngana pe ana Ishak saja, yang akan dapa Kita pe janji.”

Galatia 3:29

Kong karna ngoni itu Yesus Kristus pe umat, itu berarti, ngoni me so jadi Abraham pe turunan, deng ngoni lagi ada hak mo tarima apa yang Tuhan Allah ada janji dulu pa Abraham.

Galatia 3:7

Jadi dari Kitab Suci itu, ngoni bole tau deng jelas, sapa yang percaya pa Tuhan Allah, dia itu so butul-butul jadi Abraham pe turunan.