Yohanes 8:36 - Perjanjian Baru Bahasa Melayu Maluku Utara

³⁶ Jadi kalu Anak Allah kase bebas pa ngoni dari dosa, ngoni butul-butul so bebas.

Yohanes 8:36 ပူးပေါင်းရင်းမြစ်များ

Lukas 4:18

“Tuhan Allah pe Roh ada pa Kita. Barang Dia so pili pa Kita untuk kase tau Kabar Bae pa orang-orang susa. Dia so utus pa Kita

Roma 8:2

Barang, Roh Kudus itu suda yang biking torang bole hidup satu hati deng Yesus Kristus. Roh Kudus itu tolong pa torang supaya torang tara iko dosa pe mau lagi yang biking torang mati tapisa deng Tuhan Allah slama-lamanya.

1 Korintus 7:22

Barang, orang karja yang Tuhan so pangge untuk iko pa Tuhan, dia itu so jadi orang bebas karna Tuhan Allah so kase bebas pa dia dari dosa-dosa. Bagitu lagi deng orang bebas yang bukang orang karja tapi dia so percaya pa Yesus Kristus, dia itu so jadi Yesus Kristus pe orang karja.

2 Korintus 3:17

Karna Tuhan yang kita bilang itu Roh, deng kalu Dia pe Roh itu tinggal di torang pe hati, torang dapa bebas dari aturan-aturan yang kase pisa pa torang deng Tuhan.

Galatia 5:1

Sudara-sudara, torang skarang so bebas, karna Yesus Kristus so kase bebas pa torang dari aturan-aturan di lima kitab Musa la torang dapa slamat. Karna itu, torang musti tetap kuat percaya, jang kase biar torang pe diri taika deng aturan-aturan itu lagi, barang itu sama deng torang jadi aturan itu pe suru-suru.