Yohanes 8:34 - Perjanjian Baru Bahasa Melayu Maluku Utara

³⁴ Yesus bilang pa dorang, “Inga bae-bae yang Kita bilang ini. Tiap orang yang biking dosa, dia taika deng dosa, sama deng dosa itu biking dia jadi orang karja.

Yohanes 8:34 ပူးပေါင်းရင်းမြစ်များ

Matius 5:18

Ngoni dengar bae-bae e! Langit deng bumi pasti mo ancor, tapi aturan-aturan di lima kitab Musa deng di nabi-nabi laeng pe kitab itu tara akan ilang, biar satu huruf me. Samua itu tetap ada sampe yang Tuhan Allah bilang dulu itu so jadi samua.

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Kisah Para Rasul 8:23

Barang, kita lia ngana ini pangmangiri, deng dosa so kuasai ngana pe hati.”

Roma 6:12

Karna itu, jang ngoni kase biar dosa kuasai pa ngoni pe hidup di dunia ini lagi, supaya ngoni tara iko keinginan yang jahat.

Roma 6:16

Ngoni tau to, kalu ngoni serakan ngoni pe diri pa satu orang untuk iko apa yang dia suru, ngoni itu so jadi dia pe suru-suru. Bagitu lagi, kalu ngoni jaga iko ngoni pe mau yang jahat, itu berarti, dosa itu so jadi tuang pa ngoni, kong dia suru-suru pa ngoni, deng bagitu ngoni mo mati kong tapisa deng Tuhan Allah slama-lamanya. Tapi kalu ngoni dengar-dengaran pa Tuhan Allah, itu berarti, ngoni so kase ngoni pe diri jadi Tuhan Allah pe suru-suru, kong Dia biking ngoni jadi orang yang tara sala pa Dia pe muka.

Roma 6:6

Torang tau to, torang pe hidup lama yang suka biking dosa itu so mati sama-sama deng Yesus Kristus di kayu salib, supaya torang so tara iko lagi torang pe mau yang basar untuk mo biking dosa, itu sama deng torang so tara jadi dosa pe suru-suru lagi.

Roma 7:14

Torang tau, aturan di lima kitab Musa itu Tuhan Allah yang kase. Tapi kita ini cuma manusia yang suka biking dosa, itu sama deng dosa so jadi kita pe tuang.

Roma 7:25

Tapi tarimakasi banya pa Tuhan Allah! Dia itu yang kase Yesus Kristus torang pe Tuhan yang biking sampe dosa pe kuasa so tara kuasai lagi pa kita. Jadi pa kita pe pikiran, kita ingin biking Tuhan Allah pe aturan, tapi di kita pe hati, kita cuma iko manusia pe mau yang suka biking dosa.

Roma 8:21

Dunia deng samua dia pe isi yang Tuhan Allah so kutuk, ada yang mo jadi busu, ada yang mo jadi rusak, deng ada yang mo mati. Tapi nanti Tuhan Allah mo kase bebas samua dari kutuk itu supaya tara mo jadi bagitu lagi. Sampe nanti dunia deng samua dia pe isi mo dapa rasa sanang yang luar biasa sama-sama deng Tuhan Allah pe ana-ana.

Efesus 2:2

Waktu itu, ngoni hidup masi suka biking dosa sama deng orang yang bolong kanal pa Tuhan Allah, baru ngoni lagi iko Iblis pe mau. Iblis itu setang-setang pe raja yang berkuasa di udara, deng dia itu suda yang skarang ini ada pengaru pa orang-orang yang tara dengar-dengaran pa Tuhan Allah.

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.

2 Petrus 2:19

Dorang ajar pa orang-orang yang baru percaya itu, deng bilang, “Kalu ngoni iko torang pe ajaran, ngoni akan bebas dari samua aturan. Jadi ngoni bole biking apa saja yang ngoni suka.” Padahal, guru-guru palsu itu sandiri tara bebas karna dong pe keinginan tara bae yang banya so kuasai pa dorang, kong itu yang biking dong berdosa. Barang, apa saja yang kuasai pa orang, itu yang biking dia berdosa.