Yohanes 8:32 - Perjanjian Baru Bahasa Melayu Maluku Utara

³² Deng ngoni akan tau yang butul dari Tuhan Allah, kong itu mo biking ngoni jadi bebas, tara sama deng orang karja yang taika deng dia pe tuang.”

Yohanes 8:32 ပူးပေါင်းရင်းမြစ်များ

Matius 11:29

Dengar kong iko suda Kita pe parenta, sama deng sapi yang ada kase pake tali kong iko dia pe tuang pe parenta. Balajar suda dari Kita karna Kita ini bae-bae deng tara sombong, kong ngoni pe hati akan jadi tenang.

Yohanes 1:14

Tuhan Allah pe Firman itu so jadi manusia, kong Dia tinggal di antara torang. Torang so lia Dia pe kuasa yang hebat, kuasa yang Dia dapa dari Tuhan Allah, Dia pe Bapa, karna Dia itu Tuhan Allah pe Anak. Kong Tuhan Allah pe Anak itu cuma satu itu saja. Dia yang biking torang bole tau yang butul tentang Tuhan Allah deng tentang Tuhan Allah pe sayang pa torang.

Yohanes 1:17

Memang dari nabi Musa, torang tau Tuhan Allah pe aturan di lima kitab Musa, tapi dari Yesus Kristus, torang bole tau Tuhan Allah pe sayang deng Dia pe ajaran yang butul.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Yohanes 16:13

Nanti kalu Roh Kudus yang mo tolong itu so datang, Dia mo kase ajar pa ngoni sampe ngoni bole mangarti samua yang butul. Barang, Roh Kudus itu tara bicara iko apa yang ada pa Dia pe pikiran sandiri, tapi Dia bicara iko apa yang Dia dengar dari Tuhan Allah. Kong Roh Kudus lagi yang mo kase tau pa ngoni apa yang mo jadi nanti.

Yohanes 17:17

Bapa, pake Bapa pe firman suda untuk biking dorang jadi orang yang hidup cuma biking Bapa pe mau. Barang, Bapa pe firman itu butul.

Yohanes 6:45

Ada tatulis di nabi-nabi pe kitab bagini, ‘Tuhan Allah mo kase ajar pa dorang samua.’ Kong tiap orang yang so dengar deng tarima ajaran dari Kita pe Bapa, akan datang iko pa Kita.

Yohanes 7:17

Cuma orang yang mau biking Tuhan Allah pe mau yang bisa tau kalu Kita pe ajaran ini datang dari Tuhan Allah sandiri atau dari Kita pe pikiran sandiri.

Yohanes 8:36

Jadi kalu Anak Allah kase bebas pa ngoni dari dosa, ngoni butul-butul so bebas.

Roma 6:22

Tapi skarang Tuhan Allah so kase bebas pa ngoni dari dosa, jadi dosa so tara jadi ngoni pe tuang lagi. Deng ngoni so serakan ngoni pe diri jadi Tuhan Allah pe suru-suru. Dia pe untung, Tuhan Allah so biking ngoni jadi Dia pe umat yang hidup cuma biking Dia pe mau. Kong dia pe ahir kabawa, ngoni mo hidup deng Tuhan Allah slama-lamanya.

Roma 8:15

Torang tau, tong itu Tuhan Allah pe ana-ana, karna Tuhan Allah pe Roh yang Dia so kase pa torang itu, tara biking torang tako sama deng orang karja yang tako dia pe tuang. Tapi Tuhan Allah pe Roh itu so biking torang jadi Tuhan Allah pe ana-ana, sampe torang me bole pangge pa Dia itu, “Papa e, ya Bapa!”

Roma 8:2

Barang, Roh Kudus itu suda yang biking torang bole hidup satu hati deng Yesus Kristus. Roh Kudus itu tolong pa torang supaya torang tara iko dosa pe mau lagi yang biking torang mati tapisa deng Tuhan Allah slama-lamanya.

1 Korintus 7:22

Barang, orang karja yang Tuhan so pangge untuk iko pa Tuhan, dia itu so jadi orang bebas karna Tuhan Allah so kase bebas pa dia dari dosa-dosa. Bagitu lagi deng orang bebas yang bukang orang karja tapi dia so percaya pa Yesus Kristus, dia itu so jadi Yesus Kristus pe orang karja.

Galatia 5:1

Sudara-sudara, torang skarang so bebas, karna Yesus Kristus so kase bebas pa torang dari aturan-aturan di lima kitab Musa la torang dapa slamat. Karna itu, torang musti tetap kuat percaya, jang kase biar torang pe diri taika deng aturan-aturan itu lagi, barang itu sama deng torang jadi aturan itu pe suru-suru.

Galatia 5:13

Sudara-sudara, Tuhan Allah so pangge pa ngoni iko pa Dia, deng bagitu ngoni bisa bebas dari aturan-aturan di lima kitab Musa untuk dapa slamat. Cuma jang ngoni pikir ngoni so bebas, turus ngoni bole biking kalakuang yang tara bagus iko apa saja yang ngoni suka. Bukang bagitu. Tapi yang butul yang musti biking itu, ngoni musti baku-baku layani karna ngoni baku sayang.

2 Timotius 3:7

Parampuang-parampuang itu salalu suka orang kase ajar hal-hal yang baru pa dorang. Tapi dorang tara perna tau ajaran mana yang butul.

Yakobus 1:25

Tapi kalu orang cari tau deng perhatikan bae-bae kong biking firman itu, bukang cuma dengar kong lupa, pasti Tuhan Allah akan biking dia jadi orang yang paling sanang. Tuhan Allah pe firman itu, aturan yang sempurna, deng yang bole kase lapas orang dari dosa-dosa.

Yakobus 2:12

Jadi kalu torang bicara atau biking satu barang, torang musti ati-ati, karna torang tau nanti Tuhan Allah mo adili pa orang-orang pake aturan yang kase lapas pa manusia dari dosa-dosa.

1 Petrus 2:16

Ngoni ini Tuhan Allah so kase bebas pa ngoni dari kuasa dosa, tapi jang ngoni pake hak itu jadi alasan untuk biking barang yang jahat lagi. Tapi lebe bae ngoni hidup untuk biking apa yang Tuhan Allah suru.

2 Yohanes 1:1

Ibu yang Tuhan Allah pili iko pa Dia deng ibu pe ana-ana, yang butul-butul kita sayang. Salam dari kita, penatua di jemaat. Bukang cuma kita yang sayang pa ngoni, tapi samua orang yang iko Tuhan pe ajaran me sayang pa ngoni.