Yohanes 8:31 - Perjanjian Baru Bahasa Melayu Maluku Utara

³¹ Turus, Yesus bilang pa orang-orang agama Yahudi yang so percaya pa Dia, “Kalu ngoni biking turus Kita pe ajaran, ngoni butul-butul Kita pe murit.

Yohanes 8:31 ပူးပေါင်းရင်းမြစ်များ

Matius 24:13

Tapi orang yang tetap percaya pa Kita sampe dia pe ahir hidup, Tuhan Allah mo kase slamat pa dia.

Yohanes 1:47

Turus dorang dua pigi pa Yesus. Pe lia Natanael datang pa Dia, Yesus bilang, “Coba ngoni lia, dia yang kamari ini butul-butul orang Israel, dia tara putar bale.”

Yohanes 2:2

Yesus deng Dia pe murit-murit dapa undang maso di pesta kawing itu.

Yohanes 6:55

Barang, Kita pe badan itu makanang yang butul deng Kita pe dara itu minuman yang butul.

Yohanes 8:36

Jadi kalu Anak Allah kase bebas pa ngoni dari dosa, ngoni butul-butul so bebas.

Kisah Para Rasul 13:43

Abis itu, orang-orang kaluar dari ruma ibada kong ada banya orang yang iko pa Paulus deng Barnabas. Dorang itu orang-orang Yahudi deng orang-orang bukang Yahudi yang so maso agama Yahudi. Paulus deng Barnabas kase nasehat pa dorang supaya dong tetap percaya pa Tuhan Allah yang so kase Dia pe bae pa dorang sampe dong bole slamat dari dosa.

Kisah Para Rasul 14:22

Di tampa-tampa itu, Paulus deng Barnabas kase kuat orang-orang percaya pe hati deng kase nasehat supaya dorang tetap batahang percaya pa Tuhan Yesus. Paulus deng Barnabas bilang pa dorang, “Kalu torang mau jadi Tuhan Allah pe umat yang Dia Berkuasa sebagai Raja, torang akan dapa banya sengsara.”

Kisah Para Rasul 26:22

Tapi Tuhan Allah salalu tolong pa kita, jadi kita masi bisa hidup sampe hari ini. Skarang kita badiri di sini, kita basaksi tentang Yesus pa ngoni samua, biar pejabat atau orang biasa. Samua yang kita bilang tentang Yesus so jadi sama deng yang Tuhan Allah bilang dulu pa nabi Musa deng nabi-nabi laeng.

Roma 11:22

Dari samua yang kita so bilang tadi, torang bole tau, Tuhan Allah itu bae, deng Dia lagi tegas kalu kase hukuman. Dia mo hukum pa orang Yahudi yang tara percaya pa Dia, tapi Dia kase Dia pe bae pa ngoni orang bukang Yahudi, asal ngoni tetap percaya pa Dia. Kalu tarada, Tuhan Allah mo buang lagi pa ngoni sama deng cabang yang so potong dari dia pe pohong yang ada tanam di kobong.

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

Kolose 1:23

Yang penting, ngoni tetap percaya pa Yesus Kristus deng jang ragu. Percaya turus Kabar Bae tentang Yesus Kristus yang ngoni so dengar itu. Kabar Bae itu suda yang biking torang yakin, torang mo dapa apa yang Tuhan Allah so janji pa Dia pe umat. Kabar Bae itu so tasiar di seluru dunia, kong kita ini, Paulus yang Tuhan Allah so pili untuk kase tau Kabar Bae itu.

1 Timotius 2:15

Biar bagitu me, Tuhan Allah akan kase slamat pa parampuang-parampuang waktu dorang melahirkan, asal parampuang itu tetap percaya pa Yesus Kristus, sayang pa orang laeng, hidup deng hati bersi pa Tuhan Allah pe muka, deng dia pe cara hidup musti sederhana.

1 Timotius 4:16

Ngana musti jaga bae-bae ngana pe cara hidup, deng jaga supaya ngana cuma ajar ajaran yang butul. Ngana musti biking samua itu turus. Kalu ngana biking samua itu, Tuhan Allah mo kase slamat pa ngana deng orang-orang yang dengar pa ngana.

2 Timotius 3:14

Tapi Timotius, ngana musti pegang turus ajaran yang butul yang ngana so tarima deng percaya butul, karna ngana kanal orang-orang yang kase ajar pa ngana, deng ngana percaya pa dorang.

Ibrani 3:14

Barang, kalu torang tetap pegang turus apa yang torang so percaya dari pertama sampe waktu dunia ini kiamat, torang akan dapa bagian dari samua yang ada pa Yesus Kristus.

Ibrani 8:9

Janji yang baru itu tara sama deng janji yang Kita so perna biking deng dorang pe orang tua dulu-dulu waktu Kita pimpin pa dorang kaluar dari tana Mesir. Kita pimpin pa dorang itu sama deng Kita ada pegang dorang pe tangan untuk kaluar dari tana Mesir. Kita biking janji yang baru itu, barang dorang tara biking apa yang Kita suru di janji yang lama itu. Jadi Kita kase biar suda dorang biking apa yang dong mau, biar sala.

Yakobus 1:25

Tapi kalu orang cari tau deng perhatikan bae-bae kong biking firman itu, bukang cuma dengar kong lupa, pasti Tuhan Allah akan biking dia jadi orang yang paling sanang. Tuhan Allah pe firman itu, aturan yang sempurna, deng yang bole kase lapas orang dari dosa-dosa.

1 Yohanes 2:19

Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.

1 Yohanes 2:24

Jadi apa yang ngoni so dengar dari dulu waktu ngoni baru jadi percaya, ngoni simpang di ngoni pe hati bae-bae. Deng bagitu, ngoni tetap hidup satu hati deng Anak deng Bapa.

2 Yohanes 1:9

Tiap orang yang so tara iko Yesus Kristus pe ajaran, kong iko ajaran laeng, dia itu so tara hidup satu hati deng Tuhan Allah. Tapi orang yang iko Yesus Kristus pe ajaran, dia itu so hidup satu hati deng Tuhan Allah, torang pe Bapa, deng Yesus Kristus, Anak Allah.