Yohanes 8:3 - Perjanjian Baru Bahasa Melayu Maluku Utara

³ Waktu Yesus sementara mangajar, pemimpin-pemimpin agama Yahudi datang pa Dia. Dorang itu guru-guru agama yang ahli lima kitab Musa deng orang dari aliran fanatik yang pe nama Farisi. Dorang bawa parampuang satu yang dong dapa riki ada baku tidor deng orang yang bukang dia pe laki.

Yohanes 8:3 ပူးပေါင်းရင်းမြစ်များ

Matius 2:4

Jadi, raja Herodes suru kumpul orang-orang Yahudi pe imam-imam kapala deng guru-guru agama Yahudi yang ahli lima kitab Musa. Kong dia tanya pa dorang, “Coba kase tau pa kita, di mana Mesias, Raja yang Tuhan Allah janji itu akan lahir?”

Yohanes 8:2

Dia pe beso pagi-pagi skali, Yesus pigi ulang di Ruma Ibada Pusat pe kompleks. Banya orang datang pa Dia, turus Dia dudu kong mangajar pa dorang di situ.

Yohanes 8:4

Dorang kase badiri pa dia di orang banya pe tenga-tenga, kong dong bilang pa Yesus, “Guru, parampuang ini dapa tangka waktu dia ada baku tidor deng orang yang bukang dia pe laki.

Yohanes 8:9

Waktu guru-guru agama Yahudi yang ahli lima kitab Musa deng orang-orang Yahudi dari aliran Farisi dengar Yesus bilang bagitu, dorang mulai pigi satu-satu dari situ, mulai dari yang paling tua. Kong dia pe ahir kabawa, tinggal Yesus sandiri deng parampuang itu yang masi ada di situ.

Yohanes 9:13

Kong dorang bawa orang yang tuhari buta itu pa orang-orang Yahudi dari aliran fanatik yang pe nama Farisi.

Kisah Para Rasul 4:7

Kong dorang suru bawa pa Petrus deng Yohanes mangada pa dorang. Turus, dorang mulai tanya-tanya pa dong dua bagini, “Ngoni biking apa sampe orang lumpu itu bisa sembu? Sapa yang kase kuasa itu pa ngoni?”

Roma 7:3

Jadi kalu parampuang pe laki masi hidup, kong parampuang itu kawing ulang deng laki-laki laeng, itu berarti, parampuang itu so langgar aturan tentang laki bini deng cara baku suka deng laki-laki laeng. Tapi kalu dia pe laki so mati kong parampuang itu kawing ulang, itu berarti, dia bukang baku suka deng laki-laki laeng, karna dia so bebas dari aturan tentang laki bini itu.