Yohanes 8:25 - Perjanjian Baru Bahasa Melayu Maluku Utara

²⁵ Kong dorang bilang pa Dia, “Jadi, Bapa ini sapa?” Yesus jawab pa dorang, “Kita ini sama deng yang Kita so kase tau pa ngoni dari dulu.

Yohanes 8:25 ပူးပေါင်းရင်းမြစ်များ

Lukas 22:67

Turus di situ, dorang tanya pa Dia, “Coba Ngana kase tau pa torang, apa butul Ngana ini Mesias, Raja yang Tuhan Allah janji dari dulu?” Yesus jawab, “Biar Kita kase tau pa ngoni, tapi pasti ngoni me akan tetap tara percaya.

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 1:22

Kong dorang batanya lagi pa dia, “Kalu bagitu, coba ngana bilang kamari pa torang, sebenarnya ngana ini sapa? Supaya torang bisa kase tau dia pe jawaban pa dorang yang so utus pa torang. Apa yang ngana mo bilang tentang ngana pe diri sandiri?”

Yohanes 10:24

Turus, pemimpin-pemimpin agama Yahudi, dong bakumpul pa Yesus, turus bilang, “Guru, so lama skali torang tunggu Guru mo kase tau pa torang, Guru ini sapa sebenarnya. Kalu memang Guru ini Mesias, Raja yang Tuhan Allah janji mo kase slamat pa manusia, bilang suda turus tarang pa torang.”

Yohanes 19:9

Kong dia bawa pa Yesus maso ulang di dalam istana, turus dia bilang pa Yesus, “Ngana ini dari mana?” Tapi Yesus tara jawab.

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 8:24

Jadi tadi Kita bilang pa ngoni, ngoni akan mati karna ngoni pe dosa-dosa tara dapa ampun. Barang, ngoni tara percaya ‘Kita ini’ Dia suda, sama deng yang Kita so perna bilang pa ngoni.”

Yohanes 8:26

Sebenarnya masi banya lagi yang musti Kita bilang deng kase sala pa ngoni. Tapi Kita cuma mo bilang pa ngoni apa yang Kita dengar dari Dia yang so utus pa Kita. Yang Dia bilang itu butul, kong itu suda yang Kita kase tau pa orang-orang di dunia.”