Yohanes 8:20 - Perjanjian Baru Bahasa Melayu Maluku Utara

²⁰ Kata-kata ini Yesus bilang waktu Dia sementara mangajar di Ruma Ibada Pusat pe kompleks, dekat tampa taru kotak persembahan. Tapi tara ada satu orang yang tangka pa Dia, karna bolong sampe dia pe waktu.

Yohanes 8:20 ပူးပေါင်းရင်းမြစ်များ

Matius 26:55

Kong Yesus bilang pa orang banya yang datang mo tangka pa Dia, “Ngoni sangka Kita ini orang jahat, sampe ngoni datang bawa parang deng kayu panggal la mo tangka pa Kita? Padahal tiap hari Kita kase tau Tuhan Allah pe Kabar Bae di Ruma Ibada Pusat, tapi ngoni tara tangka pa Kita di situ.

Matius 27:6

Kong imam-imam kapala ka sana ambe doi perak itu deng bilang, “Doi ini doi haram, karna dapa deng cara jual orang sampe orang itu mati. Kong kalu mo iko torang pe aturan agama, doi ini so tara bole kase maso di kotak persembahan dalam Ruma Ibada Pusat.”

Markus 12:41

Abis itu, Yesus dudu mangada di kotak persembahan kong perhatikan pa orang-orang yang taru dong pe derma di situ. Dia lia ada banya orang kaya yang taru dorang pe derma banya-banya.

Markus 12:43

Turus Yesus pangge pa Dia pe murit-murit kong Dia bilang bagini, “Dengar bae-bae e, pa Tuhan Allah pe muka, janda miskin ini so kase lebe banya dari samua orang yang ada kase derma di kotak persembahan itu.

Lukas 20:19

Guru-guru agama Yahudi yang ahli lima kitab Musa deng imam-imam kapala, dorang mangarti umpama yang Yesus bilang-bilang tadi tentang orang-orang yang dapa suru jaga kobong itu, Dia pe maksut itu pa dorang. Karna itu, dorang berusaha la mo tangka pa Yesus tapi dorang tako pa orang banya yang ada di situ.

Lukas 21:1

Waktu Yesus masi ada di Ruma Ibada Pusat, Dia perhatikan pa orang-orang kaya yang datang taru dong pe derma di kotak persembahan.

Yohanes 10:39

Abis Yesus bilang bagitu, dorang coba lagi tangka pa Yesus, tapi dong tara dapa tangka pa Dia.

Yohanes 2:4

Kong Yesus bilang pa Dia pe mama, “Mama, jang bilang bagitu pa Kita. Bolong sampe dia pe waktu untuk Kita kase tunju Kita pe kuasa.”

Yohanes 7:14

Dorang biking hari raya itu, dia pe lama satu minggu, kong nanti so dua tiga hari, baru Yesus maso di Ruma Ibada Pusat pe kompleks kong mulai mangajar di situ.

Yohanes 7:30

Pe dengar itu, dorang berusaha tangka pa Yesus, tapi tara ada orang yang dapa tangka pa Dia, karna waktu itu bolong sampe dia pe waktu yang Tuhan Allah tentukan.

Yohanes 7:44

Ada babarapa orang mo tangka pa Dia, tapi tara ada orang yang barani sontong pa Dia.

Yohanes 7:8

Ngoni pigi suda ka sana bahari raya di kota Yerusalem. Kita bolong ka sana, karna bolong dia pe waktu untuk Kita ka sana.”

Yohanes 8:2

Dia pe beso pagi-pagi skali, Yesus pigi ulang di Ruma Ibada Pusat pe kompleks. Banya orang datang pa Dia, turus Dia dudu kong mangajar pa dorang di situ.

Yohanes 8:59

Pe dengar Yesus bilang bagitu, pemimpin-pemimpin agama Yahudi itu ambe batu mo lempar pa Dia, tapi tara sangka-sangka Yesus so pigi kaluar dari Ruma Ibada Pusat.