Yohanes 8:2 - Perjanjian Baru Bahasa Melayu Maluku Utara

² Dia pe beso pagi-pagi skali, Yesus pigi ulang di Ruma Ibada Pusat pe kompleks. Banya orang datang pa Dia, turus Dia dudu kong mangajar pa dorang di situ.

Yohanes 8:2 ပူးပေါင်းရင်းမြစ်များ

Matius 26:55

Kong Yesus bilang pa orang banya yang datang mo tangka pa Dia, “Ngoni sangka Kita ini orang jahat, sampe ngoni datang bawa parang deng kayu panggal la mo tangka pa Kita? Padahal tiap hari Kita kase tau Tuhan Allah pe Kabar Bae di Ruma Ibada Pusat, tapi ngoni tara tangka pa Kita di situ.

Lukas 21:37

Tiap hari, waktu so siang, Yesus pi mangajar di Ruma Ibada Pusat pe kompleks, deng tiap malam, Yesus kaluar dari kota Yerusalem itu, kong tidor di bukit yang pe nama Zaitun.

Lukas 21:38

Tiap pagi, orang banya datang pa Yesus di Ruma Ibada Pusat pe kompleks la mo dengar Yesus mangajar di situ.

Lukas 4:20

Abis baca, Yesus gulung ulang kitab itu kong kase pa petugas di situ, baru Dia dudu. Samua orang yang ada di ruma ibada itu haga pa Yesus turus.

Lukas 5:3

Turus Yesus nae di satu parau itu. Parau itu Simon pe parau. Dia minta Simon tola parau itu ka lao sadiki. Turus Dia dudu di parau itu kong mulai mangajar pa orang banya yang ada di pinggir talaga.

Yohanes 4:34

Yesus bilang pa dorang, “Kita pe makanang itu, Kita biking apa yang Tuhan Allah mau. Tuhan Allah itu yang utus pa Kita deng Kita musti kase abis Kita pe karja yang Dia suru Kita biking.

Yohanes 8:20

Kata-kata ini Yesus bilang waktu Dia sementara mangajar di Ruma Ibada Pusat pe kompleks, dekat tampa taru kotak persembahan. Tapi tara ada satu orang yang tangka pa Dia, karna bolong sampe dia pe waktu.

Yohanes 8:3

Waktu Yesus sementara mangajar, pemimpin-pemimpin agama Yahudi datang pa Dia. Dorang itu guru-guru agama yang ahli lima kitab Musa deng orang dari aliran fanatik yang pe nama Farisi. Dorang bawa parampuang satu yang dong dapa riki ada baku tidor deng orang yang bukang dia pe laki.

Kisah Para Rasul 5:21

Dorang dengar parenta itu, turus pe amper siang dong maso di Ruma Ibada Pusat pe kompleks, turus dorang kase tau Kabar Bae di situ. Waktu itu me, imam basar deng orang Yahudi laeng yang sama-sama deng dia, pangge pa agama Yahudi pe kumpulan yang paling tinggi yang pe nama Mahkama Agama. Dorang bakumpul kong suru ambe pa rasul-rasul itu dari penjara.