Yohanes 7:7 - Perjanjian Baru Bahasa Melayu Maluku Utara

⁷ Barang, orang-orang yang tara percaya pa Kita, dorang itu tara binci pa ngoni, tapi dorang binci pa Kita, karna Kita kase tau dorang pe kalakuang jahat.

Yohanes 7:7 ပူးပေါင်းရင်းမြစ်များ

Lukas 6:26

Kong ngoni yang dapa puji dari samua orang, cilaka suda ngoni, karna itu sama deng yang jadi dulu-dulu pa nabi-nabi yang tara butul. Dorang bilang kata, dong bawa Tuhan Allah pe pasáng, padahal tarada. Ngoni pe orang tua dulu-dulu jaga puji pa dorang.”

Yohanes 17:14

Kita so kase tau Bapa pe firman pa dorang yang iko pa Kita. Kong orang-orang di dunia ini yang tara percaya pa Bapa binci pa dorang, barang dorang yang iko pa Kita tara sama deng orang-orang yang tara percaya pa Bapa. Itu sama deng Kita lagi tara sama deng orang-orang yang tara percaya pa Bapa.

Yohanes 3:19

Tuhan Allah so sadia hukuman itu karna bagini: Anak Allah datang di dunia ini untuk kase tarang manusia pe hati, tapi manusia lebe suka galap daripada tarang, karna manusia pe kalakuang jahat.

Roma 8:7

Barang, orang-orang yang hidup cuma iko manusia pe mau yang suka biking dosa, dorang itu jaga malawang pa Tuhan Allah. Dorang tara iko Tuhan Allah pe aturan, karna memang dorang tara mampo iko aturan itu.

Galatia 4:16

Tapi skarang, ngoni anggap kita ini ngoni pe musu. Padahal, kita cuma kase tau yang butul pa ngoni.

Yakobus 4:4

Ee, ngoni orang-orang yang tara setia pa Tuhan! Ngoni pasti tau, kalu ngoni cuma iko dunia pe mau, itu ngoni so baku musu deng Tuhan Allah. Sapa yang suka batamang deng dunia ini pe sanang, dia sandiri yang biking dia pe diri baku musu deng Tuhan Allah.

1 Yohanes 4:5

Nabi-nabi palsu itu dorang pe roh dari dunia ini, karna itu dorang bicara yang tara iko Tuhan pe mau. Kong orang-orang yang tara percaya pa Yesus dengar pa nabi-nabi palsu itu.