Yohanes 7:31 - Perjanjian Baru Bahasa Melayu Maluku Utara

³¹ Tapi di antara orang banya itu, ada banya yang so jadi percaya pa Dia, kong dorang bilang, “Pasti ini Mesias suda, Raja yang Tuhan Allah janji mo kase slamat pa manusia. Barang, tara ada orang yang bisa biking mujizat lebe banya dari yang Dia ada biking.”

Yohanes 7:31 ပူးပေါင်းရင်းမြစ်များ

Matius 12:23

Pe lia yang Yesus biking itu, orang-orang di situ jadi herang skali. Kong dorang baku bilang, “Dia ini suda kaapa, raja Daud pe turunan yang torang tunggu-tunggu yang Tuhan Allah janji mo datang?”

Lukas 8:13

Bibit yang jatu di tana yang babatu-batu, itu sama deng orang-orang yang dengar firman kong tarima itu deng hati sanang. Tapi firman itu dorang tara simpang bae-bae di dong pe hati, jadi tara batahang lama. Kalu dorang dapa susa deng cobaan, dorang tara percaya lagi pa Tuhan.

Yohanes 11:45

Waktu orang-orang agama Yahudi yang datang hibur pa Maria lia apa yang Yesus biking itu, banya dari dorang yang jadi percaya pa Yesus.

Yohanes 12:11

Barang, waktu Yesus so kase hidup ulang pa Lazarus, banya orang agama Yahudi so jadi percaya pa Yesus, kong so tara mau iko pa imam-imam kapala.

Yohanes 12:42

Biar lagi banya orang yang tara percaya pa Yesus, banya pemimpin-pemimpin agama Yahudi yang jadi percaya pa Dia. Tapi dorang tara mau orang tau dong itu percaya pa Yesus, barang dong tako orang-orang Yahudi dari aliran Farisi user pa dorang dari ruma ibada.

Yohanes 2:11

Mujizat yang Yesus biking di Kana di daera Galilea, itu jadi Yesus pe mujizat yang pertama. Deng mujizat itu, Yesus so kase tunju Dia pe kuasa yang hebat sampe Dia pe murit-murit jadi percaya pa Dia.

Yohanes 3:2

Satu kali bagini, dia datang pa Yesus malam-malam, kong bilang bagini, “Guru, torang tau, Guru ini yang Tuhan Allah utus untuk kase ajar pa torang. Barang, tara ada satu orang yang bisa biking mujizat-mujizat macam deng yang Guru biking, kalu Tuhan Allah tara sama-sama deng dia.”

Yohanes 4:29

“Mari suda, torang pigi lia Orang yang tau samua tentang kita. Kaapa Dia itu Mesias suda, Raja yang Tuhan Allah janji mo kase slamat pa manusia?”

Yohanes 4:39

Banya orang Samaria di kota itu yang jadi percaya pa Yesus karna parampuang itu kase tau pa dorang bagini, “Dia bilang pa kita samua yang kita so perna biking.”

Yohanes 6:2

Banya skali orang yang iko-iko pa Yesus, karna dong so lia mujizat-mujizat yang Dia biking pa orang-orang saki.

Yohanes 7:26

Coba lia, Dia bicara deng bebas di orang banya pe muka tapi tara ada satu orang yang barani togor pa Dia. Kaapa pemimpin-pemimpin so tau Dia itu butul-butul Mesias, Raja yang Tuhan Allah janji mo kase slamat pa manusia?

Yohanes 9:16

Kong ada dari dorang yang aliran Farisi itu bilang, “Orang yang kase sembu pa orang ini, tara mungkin Tuhan Allah yang utus, barang Dia tara iko aturan agama tentang hari Sabat.” Tapi yang laeng bilang, “Kalu Dia orang berdosa, tara mungkin dia bisa biking mujizat macam bagitu.” Kong dorang deng dorang baku malawang tara abis-abis.

Kisah Para Rasul 8:13

Simon me jadi percaya kong dapa baptis. Abis itu, Simon salalu iko pa Filipus di mana saja Filipus pigi. Dia lia Filipus biking mujizat-mujizat deng tanda-tanda yang kase tunju Tuhan Allah pe kuasa, kong dia taherang-herang.

Yakobus 2:26

Jadi orang yang bilang dia percaya pa Tuhan Allah, tapi dia tara biking apa yang Tuhan Allah mau dalam dia pe hidup, dia pe percaya itu tarada guna. Dia itu sama deng orang yang so mati, ada badan tapi tarada nyawa.