Yohanes 7:22 - Perjanjian Baru Bahasa Melayu Maluku Utara

²² Padahal ngoni sandiri lagi bakarja di hari Sabat, waktu ngoni sunat orang iko apa yang nabi Musa suru. Sebenarnya, sunat itu bukang nabi Musa pe aturan, tapi aturan itu dari torang pe orang tua dulu-dulu Abraham, Ishak deng Yakub.

Yohanes 7:22 ပူးပေါင်းရင်းမြစ်များ

Kisah Para Rasul 7:8

Abis Tuhan Allah bilang bagitu, Dia kase sah Dia pe janji deng Abraham itu deng cara dorang orang Yahudi yang laki-laki musti dapa sunat. Jadi waktu Abraham so dapa ana Ishak, dia kase sunat ana itu waktu ana itu pe umur delapan hari. Bagitu lagi waktu Ishak dapa ana Yakub, dia me biking bagitu. Kong Yakub me biking bagitu pa dia pe ana dua blas orang, yang jadi torang orang Yahudi pe orang tua dulu-dulu.

Galatia 3:17

Kita pe maksut bagini: Tuhan Allah so lebe kamuka biking janji itu deng Abraham, kong Tuhan Allah so biking sah janji itu. Abis itu, ampa ratus tiga pulu taong brikut, baru Tuhan Allah kase aturan-aturan pa nabi Musa, itu aturan-aturan di lima kitab Musa. Jadi aturan-aturan yang muncul dari balakang itu tara bole kase batal atau hapus janji yang so ada lebe kamuka itu.