Yohanes 7:20 - Perjanjian Baru Bahasa Melayu Maluku Utara

²⁰ Kong orang banya itu bilang pa Dia, “Ngana so kemasukan kaapa! Sapa yang cari mo bunu pa Ngana kong?”

Yohanes 7:20 ပူးပေါင်းရင်းမြစ်များ

Matius 10:25

So cukup suda kalu satu murit jadi sama deng dia pe guru, kong so cukup suda kalu satu orang karja mo jadi sama deng dia pe tuang. Kita ini sama deng ngoni pe tuang, kong ngoni ini Kita pe umat. Kalu orang-orang bilang Kita ini Beelzebul, setang-setang pe raja, lebe soe lagi ngoni yang iko pa Kita. Jadi ngoni musti ati-ati!”

Matius 12:24

Tapi waktu orang Yahudi dari aliran Farisi dapa dengar itu, dorang tara tarima. Kong dorang baku bilang, “Dia user setang itu pake Beelzebul, setang-setang pe raja pe kuasa.”

Matius 9:34

Tapi orang-orang Yahudi dari aliran Farisi baku bilang, “Dia pake setang-setang pe raja pe kuasa waktu user setang-setang itu.”

Markus 3:30

Yesus bilang bagitu, barang dorang bilang kata, Dia kemasukan setang.

Yohanes 10:20

“Bikiapa kong ngoni dengar pa Dia? Dia itu so kemasukan setang, deng so gila.”

Yohanes 8:48

Pemimpin-pemimpin agama Yahudi langsung hina pa Yesus, “Ee Bapa, memang butul yang torang bilang, Bapa ini bukang orang Israel, tapi Bapa ini orang Samaria yang so kemasukan setang.”

Yohanes 8:49

Yesus jawab, “Kita ini tara kemasukan setang. Kita hormati pa Kita pe Bapa, tapi ngoni hina pa Kita.

Yohanes 8:52

Pemimpin-pemimpin agama Yahudi itu bilang pa Dia, “Skarang so jelas, Bapa memang kemasukan setang. Abraham deng nabi-nabi laeng so mati samua, tapi Bapa bilang kata, sapa yang iko Bapa pe ajaran, orang itu tara akan mati sampe slama-lamanya.

Kisah Para Rasul 26:24

Waktu Paulus masi babela dia pe diri, gubernur Festus potong Paulus pe bicara. Dia bicara kuat-kuat bagini, “So gila ngana, Paulus! Ngana so talalu banya balajar jadi ngana pe pikiran me so tara butul.”