Yohanes 7:18 - Perjanjian Baru Bahasa Melayu Maluku Utara

¹⁸ Sapa saja yang mangajar pake dia pe pikiran sandiri, dia itu cuma mo cari puji deng hormat untuk dia pe diri sandiri. Tapi sapa saja yang mau supaya orang-orang puji deng hormat pa Tuhan Allah yang utus pa dia, dia itu pasti bicara yang butul deng tara bafoya.

Yohanes 7:18 ပူးပေါင်းရင်းမြစ်များ

Matius 6:9

Karna itu, kalu ngoni berdoa, berdoa macam bagini, ‘Torang pe Bapa yang ada di sorga, samua puji deng hormat pa Bapa, karna Bapa itu kudus.

Yohanes 11:4

Waktu Yesus dengar kabar itu, Dia bilang, “Lazarus pe panyake itu tara akan biking dia mati. Tapi dia saki bagitu supaya nanti orang bole lia Tuhan Allah pe kuasa yang hebat. Kong deng dia pe saki itu, orang mo puji deng hormat pa Anak Allah.”

Yohanes 12:28

Kong Yesus berdoa, “Bapa, apa yang mo jadi pa Kita, Bapa biking suda, supaya orang-orang puji deng hormat pa Bapa.” Abis itu, dapa dengar suara dari sorga, “Kita so kase tunju Kita pe kuasa yang hebat, kong Kita akan kase tunju lagi Kita pe kuasa yang hebat.”

Yohanes 12:43

Barang, pemimpin-pemimpin agama Yahudi lebe suka manusia puji deng hormat pa dorang daripada Tuhan Allah yang puji deng hormat.

Yohanes 5:41

Kita tara perlu manusia mo puji deng hormat pa Kita.

Yohanes 8:54

Yesus jawab, “Kalu Kita cari puji deng hormat, pujian itu tara ada dia pe guna. Tapi Kita pe Bapa yang puji deng hormat pa Kita. Kong Dia itu suda yang ngoni jaga bilang ngoni pe Tuhan Allah.

1 Tesalonika 2:6

Tara perna torang cari pujian dari ngoni atau orang laeng. Torang ini Tuhan Yesus pe utusan yang orang sebut rasul, jadi sebenarnya torang bole suru pa ngoni la bantu torang pe hidup hari-hari, tapi torang tara mau bagitu.

1 Petrus 4:11

Ambe conto bagini, kalu ada orang yang dapa karunia untuk kase tau Tuhan Allah pe firman pa orang-orang, dia musti pake karunia itu supaya orang mangarti Tuhan Allah pe firman. Kalu ada orang yang dapa karunia untuk bantu pa orang, dia pake karunia yang dia pe kekuatan dari Tuhan Allah itu untuk tolong pa orang. Jadi, pake karunia yang ada pa ngoni itu bae-bae la orang bole puji deng hormat pa Tuhan Allah. Tuhan Allah dapa puji karna ngoni itu Yesus Kristus pe umat. Tuhan Allah itu memang hebat deng Dia pe kuasa ada sampe slama-lamanya. Amin.

1 Yohanes 2:29

Ngoni tau Dia itu butul, jadi ngoni me musti tau, tiap orang yang jaga biking barang yang butul, orang itu so jadi Tuhan Allah pe ana.