Yohanes 7:14 - Perjanjian Baru Bahasa Melayu Maluku Utara

¹⁴ Dorang biking hari raya itu, dia pe lama satu minggu, kong nanti so dua tiga hari, baru Yesus maso di Ruma Ibada Pusat pe kompleks kong mulai mangajar di situ.

Yohanes 7:14 ပူးပေါင်းရင်းမြစ်များ

Matius 21:12

Abis itu, Yesus maso di Ruma Ibada Pusat pe kompleks. Di situ ada banya orang yang bajual deng babili, kong Yesus user pa dorang samua. Dia kase bula-bale tukang tukar doi pe meja-meja deng tukang jual burung pombo pe bangko-bangko.

Matius 26:55

Kong Yesus bilang pa orang banya yang datang mo tangka pa Dia, “Ngoni sangka Kita ini orang jahat, sampe ngoni datang bawa parang deng kayu panggal la mo tangka pa Kita? Padahal tiap hari Kita kase tau Tuhan Allah pe Kabar Bae di Ruma Ibada Pusat, tapi ngoni tara tangka pa Kita di situ.

Lukas 19:47

Tiap hari Yesus mangajar di Ruma Ibada Pusat pe kompleks. Orang-orang Yahudi pe imam-imam kapala, guru-guru agama Yahudi yang ahli lima kitab Musa, deng pemimpin-pemimpin laeng berusaha la mo bunu pa Dia,

Yohanes 18:20

Turus Yesus jawab pa dia, “Kita salalu bicara turus tarang di orang banya pe muka. Kita kase ajar pa orang-orang di ruma-ruma ibada agama Yahudi deng di Ruma Ibada Pusat, tampa yang orang-orang agama Yahudi jaga bakumpul. Kita kase ajar pa orang-orang di tampa-tampa umum, bukang di tampa-tampa yang tasambunyi.

Yohanes 5:14

Kong tara lama Yesus baku dapa lagi deng dia di Ruma Ibada Pusat pe kompleks kong bilang pa dia, “Inga e, bapa so sembu. Jang biking dosa lagi supaya jang ada yang lebe tara bae yang mo jadi pa bapa.”

Yohanes 7:2

Waktu itu, agama Yahudi pe hari raya Pondok Daong so dekat.

Yohanes 7:28

Waktu Yesus masi sementara mangajar di Ruma Ibada Pusat pe kompleks, Dia babilang deng suara kuat, “Memang ngoni kanal pa Kita deng ngoni tau Kita pe asal dari mana. Tapi Kita datang bukang karna Kita iko Kita pe mau sandiri. Kita datang karna Tuhan Allah yang utus pa Kita. Dia itu yang butul, kong ngoni tara kanal pa Dia.

Yohanes 7:37

Waktu so hari terahir di hari raya Pondok Daong itu, pas di acara puncak, Yesus badiri kong bilang deng suara kuat, “Sapa saja yang aus, mari dia datang pa Kita supaya Kita kase minum.

Yohanes 8:2

Dia pe beso pagi-pagi skali, Yesus pigi ulang di Ruma Ibada Pusat pe kompleks. Banya orang datang pa Dia, turus Dia dudu kong mangajar pa dorang di situ.

Yohanes 8:20

Kata-kata ini Yesus bilang waktu Dia sementara mangajar di Ruma Ibada Pusat pe kompleks, dekat tampa taru kotak persembahan. Tapi tara ada satu orang yang tangka pa Dia, karna bolong sampe dia pe waktu.