Yohanes 6:40 - Perjanjian Baru Bahasa Melayu Maluku Utara

⁴⁰ Barang, ini yang Kita pe Bapa mau: Dia mau supaya tiap orang yang lia pa Dia pe Anak kong percaya pa Anak itu, dorang itu mo dapa hidup deng Tuhan Allah slama-lamanya, deng nanti di hari kiamat, Kita mo kase hidup ulang pa dorang.”

Yohanes 6:40 ပူးပေါင်းရင်းမြစ်များ

Roma 6:23

Karna orang yang jaga biking dosa, dia pe akibat dia mo mati kong tapisa deng Tuhan Allah slama-lamanya. Tapi Tuhan Allah kase deng cuma-cuma hidup deng Dia slama-lamanya karna torang so satu hati deng Kristus Yesus, torang pe Tuhan.

Yohanes 6:54

Sapa saja yang makang Kita pe badan deng minum Kita pe dara, dia mo dapa hidup deng Tuhan Allah slama-lamanya, kong Kita mo kase hidup ulang pa dia di hari kiamat.

Yohanes 5:24

Inga bae-bae yang Kita bilang ini. Sapa saja yang dengar apa yang Kita bilang deng percaya pa Tuhan Allah yang utus pa Kita, dia itu akan dapa hidup deng Tuhan Allah slama-lamanya. Dia so tara dapa hukuman tapisa deng Tuhan Allah tapi dia so talapas dari hukuman itu, kong so dapa hidup deng Tuhan Allah slama-lamanya.

Yohanes 11:25

Tapi Yesus bilang lagi pa Marta, “Kita ini yang kase hidup ulang pa orang yang so mati, deng yang bole kase orang hidup deng Tuhan Allah slama-lamanya. Jadi, sapa yang percaya pa Kita, biar lagi dia so mati, nanti dia mo hidup ulang.

Yohanes 4:14

Tapi sapa saja yang minum aer yang Kita mo kase, dia tara akan aus lagi untuk slama-lamanya. Lebe-lebe lagi aer yang Kita mo kase pa dia, nanti mo jadi sama deng mata aer di dia pe dalam diri yang tara mo berenti-berenti, sampe dia bole dapa hidup deng Tuhan Allah slama-lamanya.”

Yohanes 14:19

So tara lama lagi orang-orang yang tara percaya, tara akan lia lagi pa Kita. Tapi ngoni mo lia lagi pa Kita barang Kita mo hidup ulang, kong karna Kita mo hidup ulang, Kita mo biking ngoni hidup deng Tuhan Allah slama-lamanya.

Yohanes 12:45

Kong sapa saja yang so lia pa Kita, dia lagi so lia pa Tuhan Allah yang utus pa Kita.

Yohanes 6:27

Jang ngoni cuma cari-cari makanang yang biasa torang jaga makang di dunia ini, karna makanang itu capat mo abis deng mo busu. Tapi ngoni musti berusaha karas supaya dapa makanang dari sorga yang tara akan busu, kong bole biking ngoni hidup deng Tuhan Allah slama-lamanya. Makanang itu yang Anak Manusia mo kase pa ngoni, barang Tuhan Allah so kase kuasa itu pa Anak Manusia.”

Yohanes 3:36

Jadi, sapa yang percaya pa Dia pe Anak itu, dia mo dapa hidup deng Tuhan Allah slama-lamanya, kong sapa yang tara iko Anak itu pe mau, dia tara mo dapa hidup deng Tuhan Allah slama-lamanya, tapi Tuhan Allah pe hukuman ada pa dia slama-lamanya.

Yohanes 1:14

Tuhan Allah pe Firman itu so jadi manusia, kong Dia tinggal di antara torang. Torang so lia Dia pe kuasa yang hebat, kuasa yang Dia dapa dari Tuhan Allah, Dia pe Bapa, karna Dia itu Tuhan Allah pe Anak. Kong Tuhan Allah pe Anak itu cuma satu itu saja. Dia yang biking torang bole tau yang butul tentang Tuhan Allah deng tentang Tuhan Allah pe sayang pa torang.

Lukas 2:30

Barang, kita so lia deng kita pe mata kapala sandiri Orang yang Tuhan Allah utus untuk kase slamat pa manusia.

1 Yohanes 2:25

Kong Anak itu pe janji pa torang bagini: torang mo hidup deng Tuhan Allah slama-lamanya.

Yohanes 17:2

Barang, Bapa so kase kuasa pa Kita untuk berkuasa pa samua orang yang ada di dunia ini, supaya samua orang yang Bapa so kase pa Kita, Kita bole kase hidup deng Bapa slama-lamanya.

Yohanes 10:28

Kong Kita mo biking dorang hidup deng Tuhan Allah slama-lamanya deng dong pasti tara akan mati sampe slama-lamanya. Deng tarada satu orang yang bisa rampas pa dorang dari Kita pe tangan.

Yudas 1:21

Tuhan Allah sayang pa ngoni, jadi ngoni musti tetap yakin Dia pe sayang itu. Ngoni me musti tunggu-tunggu Yesus Kristus torang pe Tuhan datang ulang. Waktu Dia datang ulang, Dia mo kase tunju Dia pe rasa kasiang pa torang supaya torang bole hidup deng Tuhan Allah slama-lamanya.

1 Petrus 1:8

Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.

2 Korintus 4:6

Barang, waktu Tuhan Allah biking dunia ini, Dia bicara supaya galap jadi tarang. Bagitu lagi, Dia biking torang pe hati yang galap jadi tarang, supaya tong bole mangarti Tuhan Allah pe kuasa yang luar biasa, kong itu torang bole lia dari Yesus Kristus pe hidup.

Roma 5:21

Dulu, dosa kuasai pa samua orang, jadi torang musti mati kong tapisa deng Tuhan Allah slama-lamanya. Tapi skarang, karna apa yang Yesus Kristus torang pe Tuhan so biking, Tuhan Allah kase Dia pe bae pa torang, Dia biking torang jadi orang yang tara sala pa Dia pe muka. Turus, karna Tuhan Allah pe bae itu, samua orang bole hidup deng Dia slama-lamanya.

Yohanes 12:50

Kong Kita tau, Tuhan Allah pe parenta itu biking ngoni bole hidup deng Dia slama-lamanya. Jadi, apa yang Kita jaga bilang pa ngoni itu, itu sama saja deng apa yang Tuhan Allah bilang pa Kita.”

Yohanes 8:56

Ngoni pe orang tua dulu-dulu Abraham sanang skali waktu dia masi hidup, barang dia tau Tuhan Allah pe janji, nanti dia mo lia Kita datang. Kong skarang waktu Kita datang, Abraham so lia Kita so datang, jadi dia sanang skali.”

Markus 16:16

Sapa yang percaya deng dapa baptis, dia akan slamat. Tapi sapa yang tara percaya pa Kita, dia tara slamat kong akan dapa hukum.

Ibrani 11:1

Sudara-sudara, skarang torang bicara tentang apa itu percaya pa Tuhan Allah. Percaya pa Tuhan Allah itu pe arti bagini: torang yakin torang akan tarima apa yang Tuhan Allah so janji pa torang, biar torang bolong dapa lia.

Ibrani 11:27

Kong karna nabi Musa pe percaya itu, dia barani kase tinggal tana Mesir untuk pimpin pa bangsa Israel, deng dia tara tako raja Mesir mara pa dia. Dia sabar kong bajalang maju turus deng dorang, barang dia lia sama deng Tuhan Allah ada sama-sama deng dia. Tuhan Allah itu yang tara dapa lia.

Yohanes 14:17

Penolong itu Tuhan Allah pe Roh, yang mo kase ajar pa ngoni apa yang butul tentang Tuhan Allah. Orang-orang yang tara percaya pa Tuhan Allah, tara bisa tarima Tuhan Allah pe Roh itu, barang dorang tara dapa lia pa Dia deng tara kanal pa Dia. Tapi ngoni ini kanal pa Dia karna Dia ada sama-sama deng ngoni kong akan jadi satu deng ngoni.

Matius 10:15

Inga bae-bae e, nanti di hari kiamat, waktu Tuhan mo adili pa samua orang, orang yang tara tarima pa ngoni itu akan dapa hukuman yang paling barát, lebe barát dari hukuman yang orang dari kota Sodom deng kota Gomora perna dapa.”

Matius 25:46

Turus Yesus bilang lagi, “Orang-orang yang jahat itu akan pigi ka sana di api yang tara mati-mati itu slama-lamanya. Tapi orang yang hidup biking barang yang butul, akan hidup deng Tuhan Allah slama-lamanya.”

Yohanes 6:39

Dia pe mau itu supaya samua orang yang Dia so kase pa Kita, tara akan mati slama-lamanya, tapi di hari kiamat, Kita mo kase hidup ulang pa dorang.

Yohanes 6:44

Tara ada orang yang bole datang iko pa Kita, kalu Bapa yang utus pa Kita tara pimpin orang itu datang pa Kita. Kong Kita mo kase hidup ulang pa orang itu di hari kiamat.

Yohanes 11:24

Turus Marta bilang pa Yesus, “Kita tau, Lazarus mo hidup ulang, tapi nanti di hari kiamat, waktu samua orang yang mati akan hidup ulang.”