Yohanes 6:32 - Perjanjian Baru Bahasa Melayu Maluku Utara

³² Turus Yesus bilang pa dorang, “Dengar bae-bae yang Kita mo bilang pa ngoni ini. Bukang nabi Musa yang kase makanang dari sorga pa torang pe orang tua dulu-dulu, tapi Kita pe Bapa yang kase. Kong skarang Kita pe Bapa lagi yang kase pa ngoni makanang yang butul dari sorga.

Yohanes 6:32 ပူးပေါင်းရင်းမြစ်များ

Yohanes 1:9

Tarang yang butul itu Yesus suda, kong Dia sementara datang di dunia. Dia mo kase tarang samua orang pe hati la dorang bole tau tentang Tuhan Allah.

Yohanes 15:1

Yesus bilang pa Dia pe murit-murit umpama satu bagini, “Kita ini bole kase sama deng pohong anggur yang butul, kong Kita pe Bapa sama deng orang yang punya kobong anggur itu.

Yohanes 6:31

Barang, torang pe orang tua Israel dulu-dulu makang makanang yang dong bilang manna waktu dorang lama di padang gurun. Itu sama deng yang ada tatulis dulu di Kitab Suci, ‘Dia kase makang pa dorang makanang dari sorga.’ ”

Yohanes 6:33

Barang, makanang yang butul itu makanang yang Tuhan Allah kase turung dari sorga kong biking manusia bole hidup deng Tuhan Allah slama-lamanya.”

Yohanes 6:35

Yesus bilang pa dorang, “Kita ini suda makanang yang biking orang bole mo dapa hidup deng Tuhan Allah slama-lamanya. Sapa saja yang datang pa Kita, dia itu tara akan lapar lagi, deng sapa saja yang percaya pa Kita, dia tara akan aus lagi.

Yohanes 6:41

Kong orang-orang agama Yahudi bafeto tentang Yesus, barang Dia bilang Dia itu suda makanang yang so turung dari sorga.

Yohanes 6:50

Tapi sebenarnya, pa ngoni pe muka ini ada makanang yang turung dari sorga, kong sapa saja yang makang makanang itu, dia tara akan mati.

Yohanes 6:55

Barang, Kita pe badan itu makanang yang butul deng Kita pe dara itu minuman yang butul.

Yohanes 6:58

Kita ini suda makanang yang so turung dari sorga. Kita ini tara sama deng manna yang torang pe orang tua dulu-dulu makang di padang gurun, barang, biar dorang makang, dorang tetap mati. Tapi sapa saja yang makang makanang yang dari sorga ini, dia akan hidup deng Tuhan Allah slama-lamanya.”

Galatia 4:4

Tapi, bagitu waktu yang Tuhan Allah tentukan so sampe, Tuhan Allah utus Dia pe Anak datang di dunia. Anak itu yang lahir dari parampuang satu, kong Anak itu, hidup iko agama Yahudi pe aturan-aturan yang ada di lima kitab Musa.

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.