Yohanes 6:30 - Perjanjian Baru Bahasa Melayu Maluku Utara

³⁰ Pe dengar itu, dorang bilang pa Dia, “Kalu bagitu, coba Guru kase tunju mujizat satu pa torang supaya torang bole lia kong percaya Guru itu dari Tuhan Allah. Mujizat apa yang Guru mo biking?

Yohanes 6:30 ပူးပေါင်းရင်းမြစ်များ

Markus 15:32

Kalu butul Ngana ini Mesias, orang Israel pe raja, turung suda dari salib itu, la torang bisa lia kong percaya pa Ngana.” Dua orang yang dapa salib sama-sama deng Yesus me bahina lagi pa Yesus.

Markus 8:11

Turus, orang-orang Yahudi dari aliran Farisi datang baku tanya jawab deng Yesus la mo cari-cari Yesus pe sala. Jadi dorang minta Yesus biking mujizat, supaya kata, dorang tau Yesus itu dari Tuhan Allah.

Yohanes 10:38

Tapi Kita ini jaga biking yang Kita pe Bapa suru. Jadi, biar ngoni tara mau percaya pa Kita, tapi paling tarada ngoni musti percaya mujizat-mujizat yang Kita so biking. Deng bagitu, ngoni akan jadi tau deng mangarti, Kita pe Bapa deng Kita itu satu.”

Yohanes 12:37

Biar lagi Yesus so biking banya mujizat pa dorang pe muka, tapi dorang masi tara percaya pa Dia.

Yohanes 2:18

Pe lia Yesus user orang-orang di Ruma Ibada Pusat itu, pemimpin-pemimpin agama Yahudi datang kong bilang pa Yesus, “Kalu memang Bapa ada hak biking bagitu, coba Bapa biking mujizat satu la tong tau!”

Yohanes 6:14

Waktu orang-orang lia mujizat yang Yesus biking itu, dorang bilang, “Dia ini suda, Nabi yang Tuhan Allah perna janji mo datang di dunia ini.”

Yohanes 6:2

Banya skali orang yang iko-iko pa Yesus, karna dong so lia mujizat-mujizat yang Dia biking pa orang-orang saki.

Yohanes 6:36

Tapi sama deng Kita so bilang pa ngoni, biar lagi ngoni so lia pa Kita, ngoni tara percaya pa Kita.

Kisah Para Rasul 4:30

Tuhan, kase pa torang kuasa la torang bole kase sembu pa orang-orang saki, biking mujizat-mujizat deng tanda-tanda yang laeng yang kase tunju Yesus pe kuasa sampe orang jadi herang. Yesus itu kudus deng yang jaga biking apa yang Tuhan Allah suru.”

1 Korintus 1:22

Orang-orang Yahudi tara mo percaya kalu dorang bolong lia mujizat, yang kase tunju Tuhan Allah pe kuasa. Bagitu lagi deng orang Yunani, dorang tara mo percaya kalu torang tara pake bahasa tinggi-tinggi iko manusia pe pande.

Ibrani 2:4

Deng supaya orang bole yakin ajaran yang dorang kase tau itu butul, Tuhan Allah kase Dia pe kuasa pa dorang untuk biking mujizat-mujizat, deng tanda-tanda yang kase tunju Tuhan Allah pe kuasa sampe orang jadi herang. Deng Dia kase barbage Dia pe Roh Kudus pe kuasa pa dorang iko Dia pe mau la dorang ada karunia-karunia untuk pake layani pa orang-orang.