Yohanes 6:26 - Perjanjian Baru Bahasa Melayu Maluku Utara

²⁶ Yesus jawab pa dorang, “Dengar bae-bae yang Kita mo bilang ini. Ngoni ini ada cari pa Kita, bukang karna ngoni lia mujizat-mujizat kong mangarti sapa Kita, tapi ngoni cari pa Kita karna Kita so kase makang pa ngoni sampe kanyang.

Yohanes 6:26 ပူးပေါင်းရင်းမြစ်များ

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Yohanes 3:5

Yesus bilang, “Inga bae-bae yang Kita mo bilang ini: tiap orang yang ingin jadi Tuhan Allah pe umat, dia musti lahir dari aer, deng lahir lagi dari Roh Kudus. Kalu tara bagitu, Tuhan Allah tara Berkuasa sebagai Raja pa dia pe hidup.

Yohanes 6:14

Waktu orang-orang lia mujizat yang Yesus biking itu, dorang bilang, “Dia ini suda, Nabi yang Tuhan Allah perna janji mo datang di dunia ini.”

Yohanes 6:15

Yesus tau dorang so mo datang la mo paksa pa Dia untuk jadi dong pe raja. Jadi, Dia pigi basandiri lagi di gunung.

Yohanes 6:2

Banya skali orang yang iko-iko pa Yesus, karna dong so lia mujizat-mujizat yang Dia biking pa orang-orang saki.

Yohanes 6:24

Jadi waktu orang banya yang cari pa Yesus lia Yesus deng Dia pe murit-murit tarada, dorang nae di parau-parau yang baru datang di situ kong dong pigi di kota Kapernaum untuk cari pa Yesus.

Yohanes 6:30

Pe dengar itu, dorang bilang pa Dia, “Kalu bagitu, coba Guru kase tunju mujizat satu pa torang supaya torang bole lia kong percaya Guru itu dari Tuhan Allah. Mujizat apa yang Guru mo biking?

Yohanes 6:36

Tapi sama deng Kita so bilang pa ngoni, biar lagi ngoni so lia pa Kita, ngoni tara percaya pa Kita.

Yohanes 6:47

Dengar bae-bae yang Kita bilang ini. Sapa saja yang percaya pa Kita, dia itu so dapa hidup deng Tuhan Allah slama-lamanya.

Yohanes 6:53

Kong Yesus bilang pa dorang, “Dengar bae-bae yang Kita mo bilang ini. Kalu ngoni tara makang Kita Anak Manusia pe badan deng tara minum Kita pe dara, ngoni tara dapa hidup deng Tuhan Allah slama-lamanya.

Yohanes 6:64

Tapi ada dari ngoni yang tara percaya.” (Yesus bilang bagitu, karna Dia tau dari dulu, sapa yang tara mo percaya deng sapa yang mo bahianat pa Dia).

Roma 16:18

Barang orang-orang yang macam bagitu, sebenarnya dorang tara karja untuk Yesus Kristus torang pe Tuhan, tapi dorang karja iko dong pe mau sandiri. Dorang buju deng kata-kata yang kase sadap di talinga pa orang yang masi bolong mangarti mana yang bae deng mana yang tara bae, sampe orang-orang me iko pa dorang pe ajaran yang tara butul.

Filipi 2:21

Dorang yang laeng itu cuma pikir dong pe diri sandiri saja. Dorang tara pusing deng Yesus Kristus pe mau.

Filipi 3:19

Orang-orang yang pe hidup macam bagitu, mo tapisa deng Tuhan Allah slama-lamanya. Orang-orang itu tara iko Tuhan pe mau, mala dorang cuma biking puas dong pe diri sandiri, sampe itu suda yang jadi paling penting pa dorang pe hidup. Dorang biking hal-hal yang sebenarnya biking dong malu, tapi dong pikir dong hebat, dong suka orang puji dong biking bagitu, kong dorang cuma pikir dunia pe mau saja.

1 Timotius 6:5

Orang yang jaga kase ajar ajaran sesat itu, dong pe hidup suka baku malawang, deng dorang itu tara tau apa yang butul, kong dong kira deng hidup iko Tuhan Allah pe mau, dong mo jadi kaya.