Yohanes 5:9 - Perjanjian Baru Bahasa Melayu Maluku Utara

⁹ Waktu itu suda, orang itu langsung sembu. Dia angka dia pe tikar kong bajalang. Yesus kase sembu orang lumpu itu pas di hari Sabat, hari yang orang agama Yahudi tara bole bakarja.

Yohanes 5:9 ပူးပေါင်းရင်းမြစ်များ

Markus 1:31

Turus, Yesus ka sana pa Simon pe mama mantu, pegang dia pe tangan kong kase bangun pa dia. Waktu itu suda, Simon pe mama mantu sembu kong dia layani dorang makang.

Markus 1:42

Waktu itu suda, orang itu pe panyake lepra itu langsung ilang, kong dia jadi sembu.

Markus 10:52

Pe dengar itu, Yesus bilang pa dia, “Karna ngana so percaya pa kita, ngana sembu. Jadi ngana so bole pigi!” Waktu itu suda, orang buta itu so bisa dapa lia, turus dia iko sama-sama deng Yesus.

Markus 5:29

Waktu dia sontong Yesus pe juba, langsung dia pe pendarahan berenti kong dia rasa dia so sembu.

Yohanes 5:14

Kong tara lama Yesus baku dapa lagi deng dia di Ruma Ibada Pusat pe kompleks kong bilang pa dia, “Inga e, bapa so sembu. Jang biking dosa lagi supaya jang ada yang lebe tara bae yang mo jadi pa bapa.”

Yohanes 7:23

Jadi, kalu ngoni sunat orang di hari Sabat supaya nabi Musa pe aturan itu ngoni tara langgar, bikiapa kong ngoni mara pa Kita waktu Kita ada kase sembu satu orang pas di hari Sabat?

Yohanes 9:14

Waktu Yesus kase sembu pa orang buta itu, itu pas di hari Sabat, hari yang orang agama Yahudi tara bole bakarja.