Yohanes 5:45 - Perjanjian Baru Bahasa Melayu Maluku Utara

⁴⁵ Jang ngoni pikir, nanti Kita yang mo kase sala pa ngoni di Kita pe Bapa pe muka. Tapi nabi Musa yang ngoni pe tampa baharap, dia itu suda yang mo kase sala pa ngoni.

Yohanes 5:45 ပူးပေါင်းရင်းမြစ်များ

Lukas 16:29

Tapi Abraham bilang bagini, ‘Pa dorang so ada kitab-kitab nabi Musa deng nabi-nabi laeng pe kitab-kitab. Jadi kase biar dorang biking apa yang tatulis di kitab-kitab itu suda.’

Yohanes 12:48

Sapa saja yang tara tarima pa Kita, deng yang tara tarima Kita pe ajaran, dorang itu mo dapa hukum. Kong nanti di hari kiamat, Tuhan Allah yang mo hukum pa dorang pake Kita pe ajaran itu nanti.

Yohanes 7:19

Nabi Musa so kase aturan-aturan di lima kitab Musa la ngoni iko. Tapi tara ada satu orang dari ngoni yang butul iko aturan-aturan itu. Kalu memang ngoni iko aturan-aturan itu, bikiapa kong ngoni cari mo bunu pa Kita?”

Yohanes 8:9

Waktu guru-guru agama Yahudi yang ahli lima kitab Musa deng orang-orang Yahudi dari aliran Farisi dengar Yesus bilang bagitu, dorang mulai pigi satu-satu dari situ, mulai dari yang paling tua. Kong dia pe ahir kabawa, tinggal Yesus sandiri deng parampuang itu yang masi ada di situ.

Roma 2:12

Orang-orang Yahudi itu so ada aturan di lima kitab Musa, jadi kalu dorang langgar aturan itu, itu berarti, dorang biking dosa, kong Tuhan Allah mo hukum pa dorang. Tapi kalu orang-orang yang bukang Yahudi, biar dorang tara tau aturan di lima kitab Musa, Tuhan Allah tetap anggap dorang berdosa kalu dorang biking sala. Dia mo hukum pa dorang bukang karna dorang tara iko aturan di lima kitab Musa, tapi karna dorang biking sala. Kong dorang itu akan tapisa deng Dia slama-lamanya.

Galatia 3:10

Tapi orang yang berusaha untuk jadi orang yang butul pa Tuhan Allah pe muka deng cara biking aturan-aturan di lima kitab Musa, dorang itu suda orang-orang yang dapa kutuk dari Tuhan Allah karna tara ada dari dorang yang mampo biking samua aturan itu. Karna di Kitab Suci tatulis bagini, “Sapa yang tara biking samua aturan di lima kitab Musa, dia itu mo dapa kutuk dari Tuhan Allah.”