Yohanes 5:44 - Perjanjian Baru Bahasa Melayu Maluku Utara

⁴⁴ Ngoni suka dapa puji deng hormat dari orang, tapi ngoni tara biking Tuhan Allah pe mau supaya ngoni dapa puji dari Tuhan Allah yang cuma satu itu. Jadi, tara mungkin ngoni mo percaya pa Kita.

Yohanes 5:44 ပူးပေါင်းရင်းမြစ်များ

Matius 23:5

Samua yang dorang biking, dorang biking cuma supaya orang puji pa dorang. Macam deng dong pe pangika kapala deng tangan, yang dong tulis isi Kitab Suci kong dong biking kase lebar-lebar. Turus, dorang pe juba pe banang-banang me dong biking kase lebe panjang supaya orang tau kata, dong iko pa Tuhan deng bae.

Lukas 19:17

Kong raja bilang pa dia pe orang karja itu bagini, ‘Ngana pe karja bagus skali, ngana orang karja yang bae. Ngana so setia deng hal yang kacil skali. Karna itu, skarang kita angka pa ngana kase ngana kuasa untuk bapimpin spulu kota.’

Yohanes 12:43

Barang, pemimpin-pemimpin agama Yahudi lebe suka manusia puji deng hormat pa dorang daripada Tuhan Allah yang puji deng hormat.

Yohanes 17:3

Kong hidup deng Bapa slama-lamanya itu, pe maksut bagini: dorang so kanal Bapa itu Tuhan Allah yang butul, tara ada yang laeng, deng dorang so kanal Yesus Kristus itu yang Bapa utus untuk datang di dunia ini.

Yohanes 3:20

Barang, sapa saja yang suka biking barang yang jahat, dia binci tarang kong tara mau datang di tarang itu, supaya dia pe kalakuang-kalakuang yang jahat itu tara dapa lia.

Yohanes 5:41

Kita tara perlu manusia mo puji deng hormat pa Kita.

Yohanes 8:43

Ngoni tara mangarti deng apa yang Kita so bilang, karna ngoni tara mau tarima Kita pe ajaran.

Roma 2:10

Tapi samua orang yang biking barang yang bae, nanti Tuhan Allah mo puji deng hormat pa dorang, deng Dia salalu biking dorang pe hati tetap tenang, bukang cuma pa orang-orang Yahudi saja, tapi pa orang-orang bukang Yahudi lagi.

Roma 2:29

Tapi kalu torang jadi orang Yahudi yang butul-butul itu, torang dapa sunat itu bukang cuma karna iko aturan sunat, tapi karna torang so kase tong pe diri butul-butul pa Tuhan Allah kong Roh Kudus bakarja pa tong pe dalam hati sampe torang pe hidup beruba. Torang itu mo dapa puji bukang dari manusia tapi dari Tuhan Allah.

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

1 Korintus 4:5

Karna itu, jang ngoni nilai orang laeng sala kalu bolong dia pe waktu. Nanti waktu Tuhan datang ulang, itu dia pe waktu untuk Tuhan mo adili pa samua orang. Kong waktu itu, Dia mo buka samua hal yang orang sambunyi dalam galap. Dia me akan buka apa yang orang rencana dalam hati. Waktu itu, Tuhan Allah akan puji pa tiap orang yang pantas dapa puji.

2 Korintus 10:18

Karna bukang orang yang puji diri sandiri yang biking Tuhan tarima pa dorang, tapi orang yang Tuhan Allah puji saja yang Dia tarima.

Filipi 2:3

Jang ngoni biking satu barang cuma untuk kase sanang ngoni pe diri sandiri, atau supaya ngoni dapa puji. Tapi lebe bae, ngoni hidup tara basombong. Yang satu musti anggap yang laeng lebe penting dari dia pe diri.

1 Tesalonika 2:6

Tara perna torang cari pujian dari ngoni atau orang laeng. Torang ini Tuhan Yesus pe utusan yang orang sebut rasul, jadi sebenarnya torang bole suru pa ngoni la bantu torang pe hidup hari-hari, tapi torang tara mau bagitu.

1 Timotius 1:17

Mari torang hormati pa Tuhan Allah. Dia itu Raja sagala jaman. Tarada yang bisa lia Dia, Dia ada slama-lamanya, deng Dia cuma satu saja. Puji deng hormat pa Dia sampe slama-lamanya. Amin.

Ibrani 3:12

Jadi sudara-sudara, ngoni musti ati-ati. Jang sampe ada satu dari ngoni yang pe hati jahat sama deng itu, sampe so tara percaya deng tara iko lagi pa Tuhan Allah yang hidup.

Yakobus 2:1

Sudara-sudara, torang ini so percaya pa Yesus Kristus, torang pe Tuhan yang hebat. Jadi, jang pili-pili orang.

1 Petrus 1:7

Sengsara yang ngoni dapa itu jadi bukti, ngoni butul-butul percaya pa Tuhan. Itu sama deng mas yang kalu mo tau dia pe asli musti bakar dulu deng api. Tapi ngoni pe percaya lebe berharga dari mas, karna mas itu tara akan ada turus-turus. Kalu ngoni so lolos dari cobaan itu, nanti di hari kiamat, waktu Yesus Kristus datang ulang, Dia mo puji deng hormat pa ngoni.

Yudas 1:25

Jadi puji deng hormat suda pa Tuhan Allah, Dia itu cuma satu. Dia yang kase slamat pa torang dari torang pe dosa karna Yesus Kristus torang pe Tuhan. Tuhan Allah pe kuasa paling basar, tara ada yang bisa lawan, deng Dia yang berkuasa untuk ator samua-samua yang ada di dunia ini. Dia tetap bagitu, mulai dari dunia ini bolong ada, skarang deng sampe slama-lamanya. Amin.