Yohanes 5:39 - Perjanjian Baru Bahasa Melayu Maluku Utara

³⁹ Ngoni ini ada balajar bae-bae Kitab Suci, karna ngoni pikir, deng balajar bae-bae bagitu, ngoni mo dapa hidup deng Tuhan Allah slama-lamanya. Padahal di Kitab Suci itu suda ada kase tau tentang Kita mo datang.

Yohanes 5:39 ပူးပေါင်းရင်းမြစ်များ

Matius 22:29

Kong Yesus bilang pa dorang bagini, “Ngoni so sala skali, karna ngoni tara mangarti Kitab Suci, deng ngoni tara tau Tuhan Allah pe kuasa.

Markus 10:3

Tapi Yesus bale batanya pa dorang bagini, “Di Kitab Suci, nabi Musa parenta apa pa ngoni?”

Markus 12:10

Ngoni pasti so baca di Kitab Suci tentang batu yang ada kase sama deng Kita pe diri, tapi ngoni tara mangarti itu. Bagini yang so tatulis, ‘Batu yang tukang-tukang bangunan so tara pake, Tuhan Allah so biking jadi batu fandasi yang paling penting.

Lukas 16:29

Tapi Abraham bilang bagini, ‘Pa dorang so ada kitab-kitab nabi Musa deng nabi-nabi laeng pe kitab-kitab. Jadi kase biar dorang biking apa yang tatulis di kitab-kitab itu suda.’

Lukas 16:31

Abraham bilang pa dia, ‘Kalu dorang tara biking apa yang nabi Musa deng nabi-nabi laeng bilang, pasti dorang me tara mau percaya, biar orang mati hidup ulang kong bicara lagi.’ ”

Lukas 24:25

Kong Yesus bilang pa dorang, “Wah, ngoni memang bodo skali. Pe lama ngoni masi bolong percaya samua yang nabi-nabi so tulis di Kitab Suci.

Lukas 24:27

Abis bilang bagitu, turus Yesus kase jelas pa dorang apa yang tatulis tentang Dia di samua Kitab Suci, mulai dari kitab-kitab yang nabi Musa tulis sampe di kitab-kitab yang nabi-nabi laeng ada tulis.

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Yohanes 1:45

Abis Yesus pangge pa Filipus untuk iko pa Dia, Filipus pigi cari baku dapa deng dia pe tamang Natanael kong bilang pa dia, “Natanael e, torang so baku dapa deng Dia yang Tuhan Allah so janji dulu mo datang! Dia yang nabi Musa tulis dulu di lima kitab Musa, deng nabi-nabi laeng jaga bilang lagi. Dia itu pe nama Yesus, Yusuf pe ana laki-laki dari kampong Nazaret.”

Yohanes 5:32

Tapi Tuhan Allah sandiri yang jadi saksi bilang butul Kita ini yang Dia utus, kong Kita tau apa yang Dia kase tau tentang Kita itu butul, jadi orang bole percaya.

Yohanes 5:36

Tapi ada bukti yang lebe basar dari apa yang Yohanes kase tau tentang Kita, yang kase tunju pa orang, Kita ini memang Tuhan Allah yang utus. Bukti itu, Kita pe ajaran deng mujizat yang Kita pe Bapa suru Kita biking kong Kita biking skarang. Kita pe ajaran deng mujizat itu kase tunju pa orang, Kita ini memang yang Tuhan Allah utus.

Yohanes 5:40

Tapi biar bagitu, ngoni tara mau datang pa Kita untuk dapa hidup deng Tuhan Allah slama-lamanya.

Yohanes 5:46

Deng dia lagi ada tulis tentang Kita yang Tuhan Allah janji mo datang ini. Jadi kalu ngoni percaya aturan yang nabi Musa tulis itu, ngoni me musti percaya lagi pa Kita, barang nabi Musa me so tulis tentang Kita.

Yohanes 7:52

Kong dorang bilang pa dia, “Bikiapa kong bapa bela pa Dia? Bapa ini bukang orang Galilea to? Coba bapa priksa bae-bae di Kitab Suci. Di situ bapa bole tau, tara perna ada nabi yang datang dari daera Galilea, biar cuma satu me, tarada.”

Kisah Para Rasul 13:27

Tapi waktu Yesus datang, torang pe tamang-tamang orang Israel yang tinggal di Yerusalem deng dong pe pemimpin-pemimpin tara mangarti sapa Dia. Dorang tara mangarti pasáng yang Tuhan Allah bilang dari dulu pake Dia pe nabi-nabi tentang Orang yang Tuhan Allah janji la mo kase slamat pa torang. Padahal, kata-kata ini yang torang baca tiap hari Sabat. Kong karna dorang tara mangarti, dorang hukum mati pa Dia. Tapi deng dong hukum mati pa Dia, apa yang Tuhan Allah bilang pa nabi-nabi dulu di Kitab Suci itu, so jadi.

Kisah Para Rasul 17:11

Orang-orang Yahudi di kota Berea tara sama deng orang-orang Yahudi di kota Tesalonika. Dorang lebe siap tarima ajaran dari Paulus. Karna itu, dorang suka skali badengar deng tarima Kabar Bae tentang Yesus. Tiap hari dorang cari tau dari Kitab Suci, yang Paulus kase ajar itu butul ka tarada.

Kisah Para Rasul 26:27

Raja Agripa percaya to, apa yang nabi-nabi so perna bilang? Kita tau, raja Agripa percaya itu.”

Roma 1:2

Kabar Bae itu Tuhan Allah so janji dari dulu pa Dia pe nabi-nabi, kong dorang tulis itu di Kitab Suci.

Roma 3:2

Yang pasti, banya skali dia pe untung. Yang paling penting itu, torang orang Yahudi yang kakamuka Tuhan Allah pili untuk tarima deng jaga Dia pe firman.

Kolose 3:16

Ngoni musti inga turus-turus Yesus Kristus pe ajaran, deng simpang itu bae-bae di ngoni pe hati, supaya ajaran itu bisa bawa hasil yang basar pa ngoni pe hidup. Pake suda hikmat yang Tuhan Allah kase pa ngoni untuk baku kase ajar deng baku kase inga Dia pe ajaran. Pake lagi lagu-lagu mazmur, lagu-lagu yang puji pa Tuhan, deng lagu-lagu laeng yang Roh Kudus kase pa ngoni. Ngoni manyanyi suda deng hati yang bilang tarimakasi banya pa Tuhan Allah.

Ibrani 11:16

Tapi tampa tinggal yang dorang rindu itu, tampa tinggal yang lebe bagus. Tampa tinggal itu, sorga suda. Karna itu, Tuhan Allah tara malu waktu dorang bilang, Dia itu dorang pe Tuhan Allah, barang Dia so kase sadia kota itu untuk dorang tinggal.

Ibrani 11:35

Turus, ada lagi parampuang-parampuang yang karna dorang percaya pa Tuhan Allah, Tuhan Allah kase hidup ulang dong pe keluarga yang so mati sampe dong bisa tarima ulang pa dorang. Ada lagi orang-orang yang dapa siksa karna dorang percaya pa Tuhan Allah. Dorang itu bole dapa bebas asal manyangkal pa Tuhan Allah, tapi dorang tara mau. Barang dorang pikir, kalu dorang mati, nanti dorang mo hidup ulang, kong hidup yang dorang dapa itu hidup yang lebe bae lagi.

Wahyu 19:10

Kong kita berlutut di malaekat itu pe muka la mo semba pa dia. Tapi dia togor pa kita bagini, “Jangan! Jang ngana semba pa kita! Semba saja pa Tuhan Allah. Karna kita ini cuma sama deng ngana deng sudara-sudara laeng yang jaga biking apa yang Tuhan suru. Torang samua ini yang jaga kase tau tentang Yesus pa orang-orang. Sapa yang kase tau itu, dia itu butul-butul yang Roh Kudus pake untuk kase tau Tuhan Allah pe pasáng.”