Yohanes 5:29 - Perjanjian Baru Bahasa Melayu Maluku Utara

²⁹ kong orang-orang yang waktu dorang masi hidup jaga biking barang yang bae, dorang mo hidup ulang, kong mo dapa hidup deng Tuhan Allah slama-lamanya. Tapi orang-orang yang waktu dorang masi hidup jaga biking barang yang jahat, dorang lagi mo hidup ulang, kong mo dapa hukuman tapisa deng Tuhan Allah slama-lamanya.”

Yohanes 5:29 ပူးပေါင်းရင်းမြစ်များ

Lukas 14:14

Kalu bapa biking bagitu, Tuhan Allah yang akan biking bapa sanang, karna dorang itu tarada apa-apa yang dorang bisa kase pa bapa. Nanti Tuhan Allah akan balas bapa pe bae di hari kiamat, waktu Tuhan Allah kase hidup ulang pa orang-orang yang butul pa Tuhan Allah pe muka.”

Kisah Para Rasul 24:15

Kong kita lagi sama deng dorang, kita percaya deng yakin pa Tuhan Allah, nanti samua orang yang so mati mo hidup ulang, biar dia itu orang yang hidup butul pa Tuhan Allah pe muka, deng yang tara hidup butul pa Tuhan Allah pe muka.

1 Timotius 6:18

Kase inga pa orang-orang kaya itu supaya dorang biking banya barang yang bae. Dorang musti suka kase pa orang-orang apa yang dorang perlu, deng apa yang ada pa dorang musti kase bage-bage pa orang-orang deng sanang hati.

Ibrani 10:27

Kalu torang pe kalakuang macam deng itu, torang tinggal tunggu dia pe waktu Tuhan Allah mo hukum pa torang yang paling biking dapa tako. Dia mo hukum pa torang deng api yang mamanyala. Api itu mo kase angus abis pa orang-orang yang malawang pa Dia.

Ibrani 13:16

Deng jang ngoni lupa biking yang bae pa orang, deng tolong pa dorang. Barang, deng ngoni bantu orang, itu sama saja deng ngoni so serakan ngoni pe korban persembahan pa Tuhan Allah yang biking Dia pe hati sanang.

1 Petrus 3:11

Dia musti berenti biking barang yang jahat, kong turus biking barang yang bae. Dia me musti berusaha sunggu-sunggu untuk hidup baku bawa bae-bae deng orang laeng.