Yohanes 5:28 - Perjanjian Baru Bahasa Melayu Maluku Utara

²⁸ Jang ngoni herang deng apa yang Kita bilang ini, karna nanti ada dia pe waktu, samua orang yang so mati di dalam kubur me akan dengar lagi Anak Manusia yang dari sorga pe suara,

Yohanes 5:28 ပူးပေါင်းရင်းမြစ်များ

Yohanes 3:7

Jadi, jang herang deng yang Kita ada bilang, ‘Ngoni musti lahir ulang’.

Yohanes 4:21

Yesus bilang pa dia, “Ibu, percaya suda apa yang Kita bilang ini. Nanti ada dia pe waktu orang mo basambayang pa Tuhan Allah torang pe Bapa, bukang cuma di gunung ini, deng bukang lagi cuma di Yerusalem.

Yohanes 4:23

Nanti ada dia pe waktu, mala skarang ini suda dia pe waktu, orang yang basambayang yang butul pa Tuhan Allah, dorang mo basambayang iko Tuhan Allah pe Roh yang pimpin pa dorang, deng iko ajaran yang butul dari Tuhan Allah, karna Tuhan Allah cari orang-orang yang basambayang pa Dia macam bagitu.

Yohanes 5:20

Barang, Bapa sayang pa Dia pe Anak kong Dia kase tunju pa Dia pe Anak samua yang Dia sementara biking. Deng nanti Dia akan kase tunju lagi hal yang lebe basar dari mujizat-mujizat yang Dia pe Anak so biking ini, supaya ngoni jadi herang skali.

Yohanes 5:25

Dengar bae-bae yang Kita mo bilang ini. Nanti ada dia pe waktu, mala skarang suda dia pe waktu, orang-orang mati mo dengar Anak Allah pe suara kong jadi percaya, sampe dorang itu akan hidup deng Tuhan Allah slama-lamanya.

Kisah Para Rasul 24:15

Kong kita lagi sama deng dorang, kita percaya deng yakin pa Tuhan Allah, nanti samua orang yang so mati mo hidup ulang, biar dia itu orang yang hidup butul pa Tuhan Allah pe muka, deng yang tara hidup butul pa Tuhan Allah pe muka.

Kisah Para Rasul 3:12

Waktu Petrus lia orang banya itu, dia bilang pa dorang, “Ee, sudara-sudara orang-orang Israel, bikiapa kong ngoni herang dia sembu? Deng bikiapa kong ngoni haga-haga pa torang turus? Dia so bisa bajalang, itu bukang karna torang pe kuasa deng bukang karna torang ini salalu biking Tuhan Allah pe mau.

1 Korintus 15:22

Samua orang musti mati, karna iko pa Adam yang berdosa. Bagitu lagi, samua orang yang so satu hati deng Yesus Kristus, akan hidup ulang.

Filipi 3:21

Nanti waktu Dia datang, Dia mo ruba torang pe badan yang bisa ancor ini, jadi sama deng Dia pe badan yang luar biasa. Dia biking bagitu, karna Dia ada kuasa untuk biking samua-samua tundu iko Dia pe mau.

Wahyu 20:12

Turus kita lia orang-orang yang so mati, biar itu orang-orang penting atau orang-orang biasa, samua so hidup ulang deng badiri di muka kursi raja itu. Waktu itu, ada buku-buku yang tabuka yang ada tulis samua yang manusia biking di dunia ini. Ada satu lagi buku yang tabuka, buku itu dia pe nama buku kehidupan. Di buku kehidupan ini ada tulis nama orang-orang yang mo dapa hidup deng Tuhan Allah slama-lamanya. Jadi dorang samua itu mo dapa adili iko deng yang dorang so biking di dunia yang so tatulis di buku-buku itu.