Yohanes 5:19 - Perjanjian Baru Bahasa Melayu Maluku Utara

¹⁹ Yesus tau dorang mara pa Dia karna Dia bilang, Tuhan Allah itu Dia pe Bapa, jadi Yesus kase turus Dia pe bicara pa dorang bagini, “Inga bae-bae yang Kita mo bilang ini. Kita Anak Allah, Kita tara ada kuasa mo biking apa-apa iko Kita pe mau sandiri. Kita cuma biking apa yang Bapa biking, karna apa saja yang Bapa biking, itu lagi yang Kita biking.

Yohanes 5:19 ပူးပေါင်းရင်းမြစ်များ

Matius 26:39

Abis itu Yesus bajalang ka sana sadiki, turus Dia berlutut sampe Dia pe muka kanal tana, kong Dia berdoa, “Ya Bapa, kalu bole, jang Kita dapa penderitaan ini. Tapi jang iko Kita pe mau, iko saja Bapa pe mau.”

Lukas 21:15

Barang, Kita sandiri yang mo biking ngoni pande bajawab, sampe ngoni pe musu-musu tara mampo mo balas ngoni pe bicara atau mo baku malawang deng ngoni.

Yohanes 10:18

Tarada orang yang bole ambe Kita pe hidup dari Kita, tapi Kita mo kase Kita pe hidup, iko Kita pe mau sandiri. Kita ada kuasa mo kase Kita pe diri untuk mati, deng Kita lagi ada kuasa mo ambe itu ulang. Barang samua parenta itu Kita so tarima dari Kita pe Bapa.”

Yohanes 12:49

Barang, Kita pe ajaran bukang dari Kita pe diri sandiri, tapi dari Bapa yang utus pa Kita. Dia itu yang ada parenta pa Kita untuk bilang apa yang musti Kita mo bilang deng kase tau.

Yohanes 12:50

Kong Kita tau, Tuhan Allah pe parenta itu biking ngoni bole hidup deng Dia slama-lamanya. Jadi, apa yang Kita jaga bilang pa ngoni itu, itu sama saja deng apa yang Tuhan Allah bilang pa Kita.”

Yohanes 14:10

Ngana tara percaya, Kita deng Bapa itu satu, kong Bapa deng Kita satu? Kong, apa yang Kita bilang pa ngoni itu bukang Kita bakarang sandiri, tapi dari Bapa yang satu deng Kita. Kong apa saja yang Kita biking, itu suda yang Bapa biking.

Yohanes 2:19

Yesus jawab, “Kita tara kase mujizat, tapi ini yang Kita mo biking supaya ngoni tau kita ada hak: coba kase rubu Ruma Ibada Pusat ini. Dia pe tiga hari, Kita akan kase badiri ulang.”

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Yohanes 5:21

Bapa itu yang kase hidup ulang pa orang-orang yang mati. Bagitu lagi deng Dia pe Anak mo kase hidup pa sapa saja yang Dia pe Anak mau. Hidup itu, hidup deng Tuhan Allah slama-lamanya.

Yohanes 6:38

Barang, Kita so turung dari sorga bukang untuk biking Kita pe mau, tapi mo biking Kita pe Bapa pe mau. Dia yang utus pa Kita.

Yohanes 8:28

Jadi, Yesus bilang pa dorang, “Nanti waktu ngoni so angka pa Anak Manusia yang dari sorga untuk dapa salib, baru ngoni sadar, Dia itu Kita ini suda yang Tuhan Allah janji. Kong ngoni lagi mo tau, Kita tara biking apa-apa iko Kita pe mau sandiri, tapi samua yang Kita bilang, itu dari Bapa sama deng yang Bapa ajar pa Kita.

Yohanes 9:4

Tuhan Allah yang utus pa Kita ada kase tugas yang torang musti biking. Torang musti biking tugas itu skarang, karna ada dia pe waktu nanti torang tara bisa biking tugas lagi. Itu bole kase sama deng kalu masi siang, orang masi bole bakarja, tapi kalu so malam, so tarada orang yang bisa bakarja lagi.

Kisah Para Rasul 2:24

Yesus mati, Dia dapa siksa yang paling barát tapi Tuhan Allah kase hidup ulang pa Dia. Barang, tara mungkin Yesus mati turus-turus.

Roma 6:4

Jadi deng torang dapa baptis, torang bole bilang torang so kase tinggal torang pe hidup yang cuma iko torang pe mau sandiri, itu sama deng torang so mati kong dapa kubur sama-sama deng Yesus Kristus. Karna itu, torang yang so dapa baptis, torang pe hidup skarang so beruba jadi baru, sama deng Yesus Kristus yang so hidup ulang deng kuasa yang hebat dari Tuhan Allah, torang pe Bapa.

Roma 8:11

Tuhan Allah pe Roh so kase hidup ulang pa Kristus Yesus, kong Roh itu suda yang ada di ngoni pe hati. Jadi biar ngoni pe badan mo mati, tapi Tuhan Allah nanti mo kase hidup ulang pa ngoni pake kuasa dari Dia pe Roh yang ada pa ngoni itu.

1 Korintus 15:12

Torang kan so kase ajar pa orang-orang, Yesus Kristus mati tapi so hidup ulang. Masa ada dari ngoni yang bilang kata, orang yang so mati tara akan hidup ulang?

2 Korintus 4:14

Barang, Tuhan Allah so kase hidup ulang pa Tuhan Yesus, jadi torang me tau, biar torang mati nanti, Dia mo kase hidup ulang pa torang. Dia mo kumpul pa torang deng ngoni sama-sama pa Dia pe muka.

2 Korintus 5:10

Torang mo kase sanang Tuhan Allah pe hati, karna nanti torang samua musti mangada pa Yesus Kristus untuk dapa adili, supaya tiap orang mo dapa apa yang pantas dia dapa. Yang pantas dia dapa itu iko apa yang dia biking waktu dia tinggal di dunia ini, bae atau jahat.

Efesus 2:5

Waktu torang masi jaga langgar Tuhan Allah pe parenta, itu bole mo kase sama deng torang so mati. Tapi biar bagitu, waktu Tuhan Allah kase hidup ulang pa Yesus Kristus, itu sama deng Dia so kase hidup ulang pa torang. Jadi, Dia kase slamat pa torang dari dosa-dosa cuma karna Dia pe bae pa torang.

Efesus 3:16

Kita minta pa Tuhan Allah yang paling hebat la Dia pe Roh pe kuasa kase kuat ngoni pe hati,

Filipi 3:21

Nanti waktu Dia datang, Dia mo ruba torang pe badan yang bisa ancor ini, jadi sama deng Dia pe badan yang luar biasa. Dia biking bagitu, karna Dia ada kuasa untuk biking samua-samua tundu iko Dia pe mau.

Filipi 4:13

Kita bole batahang deng sagala macam keadaan, itu karna Yesus Kristus yang biking kita kuat mangada samua itu.

Kolose 1:11

Kita minta lagi pa Tuhan Allah supaya Dia kase kuat ngoni pe hati deng Dia pe kuasa yang luar biasa itu, la biar apa saja yang ngoni hadapi, ngoni tetap percaya, ngoni tetap sabar deng ngoni pe hati tetap sanang.

Kolose 1:16

Karna deng Yesus Kristus itu suda, Tuhan Allah cipta samua-samua, yang ada di sorga deng di bumi, samua yang orang bisa lia deng yang tara bisa lia, termasuk samua yang bapimpin deng yang berkuasa di udara. Dia cipta samua-samua itu sama-sama deng Yesus Kristus, supaya Yesus Kristus dapa puji.

1 Tesalonika 4:14

Torang percaya Tuhan Yesus mati kong Tuhan Allah so kase hidup ulang pa Dia. Jadi torang me percaya, kalu orang-orang yang percaya pa Yesus mati, pasti Tuhan Allah mo kase hidup ulang pa dorang, kong mo bawa pa dorang sama-sama deng Dia.

1 Petrus 3:18

Barang, Yesus Kristus me so dapa siksa, biar Dia tara biking sala. Dia lagi so mati satu kali untuk hapus torang samua pe dosa. Dia itu salalu biking barang yang butul, untuk orang-orang yang biking barang yang tara butul, supaya Dia bole kase bae-bae ulang torang pe hubungan deng Tuhan Allah. Dia dapa bunu waktu Dia jadi manusia, tapi Roh Kudus so kase hidup ulang pa Dia.

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.