Yohanes 5:16 - Perjanjian Baru Bahasa Melayu Maluku Utara

¹⁶ Pe dengar itu, pemimpin-pemimpin agama Yahudi mulai berusaha biking susa pa Yesus, karna Dia so kase sembu orang pas di hari Sabat.

Yohanes 5:16 ပူးပေါင်းရင်းမြစ်များ

Matius 12:13

Turus Yesus bilang pa orang yang dia pe tangan sabla mati itu, “Kase kamari ngana pe tangan!” Orang itu kase dia pe tangan, kong waktu itu suda dia pe tangan yang mati itu jadi sembu, sama deng dia pe tangan sabla yang tara cacat.

Markus 3:6

Waktu itu suda, orang-orang Yahudi dari aliran Farisi kaluar dari ruma ibada itu kong dorang langsung baku ator deng raja Herodes pe orang-orang la mo bunu pa Yesus.

Lukas 6:11

Pe lia itu, orang-orang yang ahli lima kitab Musa deng orang-orang dari aliran Farisi, mara skali. Kong dorang mulai biking rencana jahat pa Yesus.

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 10:39

Abis Yesus bilang bagitu, dorang coba lagi tangka pa Yesus, tapi dong tara dapa tangka pa Dia.

Yohanes 15:20

Ngoni musti inga apa yang Kita so bilang pa ngoni, ‘orang karja tara lebe penting dari dia pe tuang’. Kalu orang-orang so siksa pa Kita di dunia ini, dorang lagi pasti akan siksa pa ngoni. Tapi kalu orang-orang biking Kita pe ajaran, dorang lagi mo biking ajaran yang ngoni ada kase ajar.

Yohanes 5:10

Jadi, pemimpin-pemimpin agama Yahudi bilang pa orang yang baru sembu itu bagini, “Hari ini, hari Sabat to? Kalu iko torang pe agama pe aturan, bapa tara bole bakarja angka tikar.”

Yohanes 5:13

Tapi orang yang baru sembu itu tara tau sapa yang kase sembu pa dia, karna Yesus so maso di orang banya pe tenga-tenga.

Yohanes 5:15

Abis bicara deng Yesus, orang itu pi kase tau pa pemimpin-pemimpin agama Yahudi, Yesus itu suda yang so kase sembu pa dia.

Yohanes 5:17

Tapi Yesus jawab pa dorang, “Kita pe Bapa saja bakarja turus sampe hari ini, jadi Kita lagi musti bakarja turus sama deng Dia.”

Yohanes 5:18

Yesus pe kata-kata itu biking pemimpin-pemimpin agama Yahudi lebe berusaha mo bunu pa Dia. Dorang mo bunu pa Dia bukang cuma karna Dia langgar aturan hari Sabat, tapi karna Dia bilang lagi, Tuhan Allah itu Dia pe Bapa sandiri. Itu pe arti, Dia so biking Dia pe diri sama deng Tuhan Allah.

Yohanes 7:21

Turus Yesus bilang pa dorang, “Kita kase sembu orang di hari Sabat baru satu kali. Itu saja ngoni so herang.

Yohanes 7:25

Babarapa orang di kota Yerusalem dengar apa yang Yesus bilang, turus dorang bilang, “Dia ini kaapa Orang yang torang pe pemimpin-pemimpin cari-cari la mo bunu?