Yohanes 5:10 - Perjanjian Baru Bahasa Melayu Maluku Utara

¹⁰ Jadi, pemimpin-pemimpin agama Yahudi bilang pa orang yang baru sembu itu bagini, “Hari ini, hari Sabat to? Kalu iko torang pe agama pe aturan, bapa tara bole bakarja angka tikar.”

Yohanes 5:10 ပူးပေါင်းရင်းမြစ်များ

Matius 12:10

Di situ, ada satu orang yang dia pe tangan sabla mati, deng ada lagi orang-orang Yahudi dari aliran Farisi. Dorang tanya pa Yesus, “Bole ka tarada, kase sembu orang di hari Sabat?” Dorang tanya bagitu, barang kalu Yesus kase sembu orang di hari Sabat, hari yang orang agama Yahudi tara bole bakarja, dorang mo kase sala pa Dia.

Markus 2:24

Di situ, ada orang-orang Yahudi dari aliran fanatik yang pe nama Farisi. Dorang bilang pa Yesus, “Coba lia itu! Bikiapa kong dorang bakarja bapete gandum di hari Sabat? Itu dorang so langgar torang pe aturan agama!”

Markus 3:4

Kong Yesus tanya pa orang-orang yang ada di situ, “Kalu iko aturan di lima kitab Musa, mana yang torang bisa biking di hari Sabat? Biking barang yang bae ka biking barang yang jahat? Kase slamat orang ka bunu orang?” Tapi dorang cuma babadiam saja.

Lukas 13:14

Pe lia itu, kapala ruma ibada agama Yahudi itu mara, barang Yesus so kase sembu orang di hari Sabat. Karna itu, dia bilang pa orang banya di situ, “Ada anam hari torang pake untuk bakarja. Kalu ngoni mau sembu, datang di hari-hari itu. Jangan di hari Sabat.”

Lukas 23:56

Abis itu, dorang pulang kong kase sadia rampa-rampa yang bobou sadap deng minya wangi supaya dorang kase goso pa Yesus pe mayat sama deng orang Yahudi pe biasa. Tapi waktu itu so sore, kong so mulai hari Sabat, jadi dorang berenti bakarja karna iko agama Yahudi pe aturan yang larang orang bakarja di hari Sabat.

Lukas 6:2

Di situ, ada babarapa orang Yahudi dari aliran fanatik yang pe nama Farisi. Dorang bilang bagini, “Bikiapa kong ngoni bakarja bapete gandum di hari Sabat? Itu ngoni so langgar torang pe aturan agama!”

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 5:11

Tapi dia jawab pa dorang, “Orang yang kase sembu pa kita, Dia yang suru pa kita supaya angka kita pe tikar kong bajalang.”

Yohanes 5:15

Abis bicara deng Yesus, orang itu pi kase tau pa pemimpin-pemimpin agama Yahudi, Yesus itu suda yang so kase sembu pa dia.

Yohanes 5:16

Pe dengar itu, pemimpin-pemimpin agama Yahudi mulai berusaha biking susa pa Yesus, karna Dia so kase sembu orang pas di hari Sabat.

Yohanes 7:23

Jadi, kalu ngoni sunat orang di hari Sabat supaya nabi Musa pe aturan itu ngoni tara langgar, bikiapa kong ngoni mara pa Kita waktu Kita ada kase sembu satu orang pas di hari Sabat?

Yohanes 9:16

Kong ada dari dorang yang aliran Farisi itu bilang, “Orang yang kase sembu pa orang ini, tara mungkin Tuhan Allah yang utus, barang Dia tara iko aturan agama tentang hari Sabat.” Tapi yang laeng bilang, “Kalu Dia orang berdosa, tara mungkin dia bisa biking mujizat macam bagitu.” Kong dorang deng dorang baku malawang tara abis-abis.