Yohanes 4:6 - Perjanjian Baru Bahasa Melayu Maluku Utara

⁶ Di situ ada parigi satu yang orang sebut ‘parigi Yakub’. Yesus lala skali gara-gara Dia bajalang jao, jadi Dia dudu di parigi itu pe pinggir. Waktu itu, kira-kira jam dua blas siang,

Yohanes 4:6 ပူးပေါင်းရင်းမြစ်များ

Matius 27:45

Waktu so jam dua blas siang, samua daera itu jadi galap sampe jam tiga sore.

Matius 4:2

Di tampa itu, Yesus tara makang selama ampa pulu hari ampa pulu malam. Dia pe ahir kabawa, Yesus lapar.

Matius 8:24

Waktu dorang ada di talaga, kage-kage angin kancang datang. Angin itu biking talaga baomba skali, sampe aer me maso di dong pe parau. Tapi waktu itu, Yesus ada tidor.

Lukas 2:7

Maria melahirkan dia pe ana laki-laki, ana yang tua. Abis itu dia bungkus deng kaeng pa ana itu kong kase tidor di binatang pe tampa makanang, karna samua penginapan di situ so ponong.

Lukas 9:58

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Yohanes 11:9

Turus, Yesus jawab pa dorang pake umpama satu bagini, “Jang ngoni tako. Kalu siang itu ada dua blas jam to? Jadi sapa yang bajalang siang-siang, dia pe kaki tara akan tagate, barang dia lia yang kase tarang dunia ini.

Yohanes 4:12

Torang pe orang tua dulu-dulu Yakub yang kase parigi ini pa torang. Kong dia sandiri so minum dari parigi ini, bagitu lagi deng dia pe ana-ana deng dia pe binatang-binatang piara lagi. Masa Bapa ini lebe hebat dari torang pe bapa Yakub itu?”

Yohanes 4:5

Dia bajalang sampe di kota satu di daera Samaria, yang pe nama kota Sikhar. Kota itu dekat deng tana yang dulu Yakub so kase pa dia pe ana Yusuf.

Yohanes 4:7

kong Yesus pe murit-murit ada pigi di kota untuk bili makanang. Kong tara lama, ada parampuang Samaria satu datang mo batimba aer di parigi itu. Turus Yesus bilang pa dia, “Minta aer ka, Kita mo minum.”

2 Korintus 8:9

Sebenarnya kita tara perlu suru ngoni bantu pa dorang, barang ngoni so tau Yesus Kristus torang pe Tuhan pe bae yang Dia so kase pa ngoni. Biar Dia punya samua-samua yang ada, tapi karna Dia sayang pa torang, Dia kase tinggal samua itu supaya jadi manusia yang tara punya apa-apa. Dia biking bagitu la torang dapa banya yang bae dari Tuhan Allah.

Ibrani 2:17

Kong karna Dia mo tolong pa torang yang jadi Dia pe sudara, Tuhan Allah musti biking Yesus jadi sama persis deng torang manusia. Deng karna Yesus so rasa samua yang torang so rasa, Dia bole kase tunju Dia pe rasa kasiang pa torang manusia, sampe bole kase Dia pe diri mati untuk tebus torang pe dosa-dosa. Deng Dia mati itu, Yesus jadi Imam Basar yang setia pa Tuhan Allah supaya torang deng Tuhan Allah pe hubungan jadi bae ulang.

Ibrani 4:15

Barang, Yesus Kristus torang pe Imam Basar itu, Dia mangarti skali torang manusia ini tara kuat kong gampang tagoda biking barang jahat. Karna waktu Dia di dunia, Dia me perna dapa goda macam-macam sama deng torang, cuma Dia tara perna tagoda sampe biking dosa.