Yohanes 4:48 - Perjanjian Baru Bahasa Melayu Maluku Utara

⁴⁸ Yesus bilang pa dia, “Kalu ngoni tara lia mujizat-mujizat deng tanda-tanda yang kase tunju Kita pe kuasa, ngoni tara mo percaya.”

Yohanes 4:48 ပူးပေါင်းရင်းမြစ်များ

Yohanes 20:29

Yesus bilang pa dia, “Tomas, ngana jadi percaya pa Kita cuma karna ngana so lia pa Kita. Paling sanang suda orang yang tara lia pa Kita tapi dia jadi percaya pa Kita.”

Ibrani 2:4

Deng supaya orang bole yakin ajaran yang dorang kase tau itu butul, Tuhan Allah kase Dia pe kuasa pa dorang untuk biking mujizat-mujizat, deng tanda-tanda yang kase tunju Tuhan Allah pe kuasa sampe orang jadi herang. Deng Dia kase barbage Dia pe Roh Kudus pe kuasa pa dorang iko Dia pe mau la dorang ada karunia-karunia untuk pake layani pa orang-orang.

1 Korintus 1:22

Orang-orang Yahudi tara mo percaya kalu dorang bolong lia mujizat, yang kase tunju Tuhan Allah pe kuasa. Bagitu lagi deng orang Yunani, dorang tara mo percaya kalu torang tara pake bahasa tinggi-tinggi iko manusia pe pande.

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Yohanes 12:37

Biar lagi Yesus so biking banya mujizat pa dorang pe muka, tapi dorang masi tara percaya pa Dia.

2 Korintus 12:12

Waktu kita masi sama-sama deng ngoni, kita so kase bukti, kita ini memang Yesus Kristus pe utusan, karna kita biking mujizat-mujizat, deng tanda-tanda laeng yang kase tunju Tuhan Allah pe kuasa sampe orang-orang jadi herang. Kong samua yang kita biking itu, kita biking deng sabar.

Roma 15:19

Deng Tuhan Allah pe Roh pe kuasa, kita biking mujizat-mujizat deng tanda-tanda yang biking orang herang. Kita so kase tau Kabar Bae tentang Yesus Kristus pa orang-orang di samua kota yang kita pigi, mulai dari kota Yerusalem sampe di daera Ilirikum.

Kisah Para Rasul 14:3

Jadi Paulus deng Barnabas tinggal sadiki lama di kota itu. Deng barani dorang tetap kase tau Kabar Bae tentang Tuhan Yesus pa orang-orang. Tuhan me kase kuasa pa dorang la dong biking mujizat-mujizat deng tanda-tanda supaya orang-orang di sana bole tau, yang dorang kase tau tentang Tuhan pe bae itu butul.

Markus 13:22

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Matius 24:24

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa yang hebat, supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Kisah Para Rasul 2:43

Rasul-rasul biking banya mujizat deng tanda yang kase tunju Tuhan Allah pe kuasa, sampe samua orang taherang-herang kong hormati pa Tuhan Allah.

Yohanes 2:18

Pe lia Yesus user orang-orang di Ruma Ibada Pusat itu, pemimpin-pemimpin agama Yahudi datang kong bilang pa Yesus, “Kalu memang Bapa ada hak biking bagitu, coba Bapa biking mujizat satu la tong tau!”

Lukas 16:31

Abraham bilang pa dia, ‘Kalu dorang tara biking apa yang nabi Musa deng nabi-nabi laeng bilang, pasti dorang me tara mau percaya, biar orang mati hidup ulang kong bicara lagi.’ ”

2 Tesalonika 2:9

Tapi waktu Tuhan Yesus bolong datang, orang jahat itu mo muncul deng kuasa dari Iblis, setang-setang pe raja, la biking mujizat-mujizat deng tanda-tanda, supaya biking orang herang sampe tipu pa dorang la dorang kira kata, dia itu pake Tuhan Allah pe kuasa.

Kisah Para Rasul 15:12

Pe dengar bagitu, samua orang langsung badiam. Turus, dorang dengar Paulus deng Barnabas kase carita tentang samua mujizat deng tanda-tanda yang Tuhan Allah kase untuk dorang biking waktu dorang kase tau Kabar Bae pa orang-orang bukang Yahudi.

Kisah Para Rasul 7:36

Musa itu lagi yang bawa pa orang Israel kaluar dari tana Mesir. Dia biking mujizat-mujizat deng tanda-tanda yang kase tunju Tuhan Allah pe kuasa waktu dorang di Mesir, di Laut Mera deng di padang gurun, selama ampa pulu taong.

Kisah Para Rasul 6:8

Tuhan Allah kase Dia pe bae deng Dia pe kuasa pa Stefanus, sampe Stefanus biking mujizat-mujizat deng tanda-tanda yang kase tunju Tuhan Allah pe kuasa di banya orang pe muka.

Kisah Para Rasul 5:12

Waktu itu lagi, Yesus pe rasul-rasul biking banya mujizat deng tanda-tanda yang kase tunju Tuhan Allah pe kuasa di orang banya pe muka. Samua orang percaya, dorang satu hati bakumpul di Ruma Ibada Pusat pe teras, yang pe nama, ‘Teras Salomo’.

Kisah Para Rasul 4:30

Tuhan, kase pa torang kuasa la torang bole kase sembu pa orang-orang saki, biking mujizat-mujizat deng tanda-tanda yang laeng yang kase tunju Yesus pe kuasa sampe orang jadi herang. Yesus itu kudus deng yang jaga biking apa yang Tuhan Allah suru.”

Kisah Para Rasul 2:19

Kita mo biking mujizat-mujizat deng tanda-tanda yang kase tunju Kita pe kuasa di langit deng di bumi. Akan ada dara, api deng asap bagumpal-gumpal.

Yohanes 15:24

Kalu misalnya Kita tara biking mujizat-mujizat sama deng yang orang laeng tara perna biking, pasti Tuhan Allah tara bilang dorang itu berdosa kalu dorang binci pa Kita. Tapi ini, dorang so lia mujizat-mujizat yang Kita biking, tapi dorang tetap binci pa Kita deng pa Kita pe Bapa lagi.

Lukas 10:18

Yesus bilang pa dorang, “Iyo, butul. Kita so lia Iblis, setang-setang pe raja dapa buang dari langit, dia jatu capat sama deng kilat.

Matius 27:42

“Orang laeng Dia bisa kase slamat, tapi Dia pe diri sandiri Dia tara bisa kase slamat! Padahal kata, Dia itu orang Israel pe Raja. Kalu itu butul, turung suda dari salib itu la tong percaya pa Dia!

Matius 16:1

Ada orang-orang Yahudi dari aliran Farisi deng dari aliran Saduki datang pa Yesus. Dorang datang mo cari-cari Yesus pe sala. Dorang minta supaya Yesus kase tunju mujizat satu, la kata, dorang tau Yesus itu dari Tuhan Allah.

Yohanes 4:49

Turus pegawai itu bilang pa Yesus, “Bapa, mari suda iko deng kita, jang sampe kita pe ana mati.”