Yohanes 4:43 - Perjanjian Baru Bahasa Melayu Maluku Utara

⁴³ Pe abis dua hari Yesus tinggal di kota Sikhar, Dia pulang di daera Galilea.

Yohanes 4:43 ပူးပေါင်းရင်းမြစ်များ

Matius 4:13

Dari Nazaret, Dia pigi lagi kong tinggal di kota Kapernaum yang ada di pinggir talaga Galilea, di suku Zebulon deng suku Naftali pe daera.

Yohanes 1:42

Turus, Andreas antar dia pe sudara pigi pa Yesus. Waktu Yesus lia bae-bae pa Simon, Yesus bilang pa dia, “Ngana ini Simon, Yohanes pe ana laki-laki. Tapi mulai skarang, ngana pe nama Kefas.” (Kefas deng Petrus pe arti sama saja, batu).

Yohanes 4:40

Jadi, waktu orang-orang Samaria itu sampe pa Yesus, dorang minta pa Dia supaya Dia tinggal deng dorang. Kong Yesus tinggal deng dorang di situ selama dua hari.

Yohanes 4:44

Yesus sandiri so perna kase tau, “Tara ada nabi yang dapa hargai di dia pe kampong sandiri, termasuk Kita.”

Yohanes 4:46

Abis itu, Yesus bale lagi di Kana, di daera Galilea. Kana itu tampa yang Dia perna biking mujizat aer jadi anggur. Tara jao dari Kana, di kota Kapernaum, ada pegawai istana satu. Dia pe ana laki-laki ada saki.

Roma 15:8

Kita kase inga pa ngoni bagini: Yesus Kristus datang di dunia untuk tolong pa torang orang Yahudi la iko apa yang Tuhan Allah janji pa torang pe orang tua dulu-dulu. Deng bagitu, Tuhan Allah kase tunju butul-butul Dia tara lupa biking Dia pe janji.