Yohanes 4:41 - Perjanjian Baru Bahasa Melayu Maluku Utara

⁴¹ Di situ, lebe banya orang lagi yang jadi percaya pa Yesus karna dorang dengar apa yang Dia ajar.

Yohanes 4:41 ပူးပေါင်းရင်းမြစ်များ

Lukas 4:32

Orang-orang di situ yang dengar Dia pe ajaran jadi herang, barang Dia mangajar deng kuasa yang basar.

Yohanes 4:40

Jadi, waktu orang-orang Samaria itu sampe pa Yesus, dorang minta pa Dia supaya Dia tinggal deng dorang. Kong Yesus tinggal deng dorang di situ selama dua hari.

Yohanes 4:42

Dorang bilang pa parampuang itu, “Torang skarang percaya bukang cuma karna dengar apa yang ngana bilang, tapi karna torang sandiri so dengar dari Dia langsung kong torang so tau Dia itu memang butul-butul Orang yang mo kase slamat pa manusia dari dosa-dosa.”

Yohanes 6:63

Manusia tara mungkin mo dapa hidup deng Tuhan Allah slama-lamanya pake dia pe usaha sandiri, cuma Roh Kudus yang bole biking manusia hidup deng Tuhan Allah slama-lamanya. Samua kata-kata yang Kita bilang pa ngoni, pe asal dari Roh Kudus, kong kata-kata itu lagi yang kase hidup deng Tuhan Allah slama-lamanya.

Yohanes 7:46

Penjaga-penjaga itu jawab, “Bolong perna ada orang yang bicara pe bagus macam deng Dia itu.”

Kisah Para Rasul 1:8

Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

Kisah Para Rasul 15:3

Jemaat di Antiokhia antar pa dorang sampe di luar kota. Turus, dorang Paulus bajalang iko daera Fenisia deng daera Samaria. Di daera-daera itu, dorang kase carita pa orang-orang percaya tentang orang-orang bukang Yahudi di tampa laeng yang so bertobat kong jadi percaya pa Tuhan. Waktu orang-orang percaya di situ dengar kabar itu, dorang pe hati sanang skali.

Kisah Para Rasul 8:12

Tapi waktu Filipus datang pa dong pe kota, dia ajar pa dorang Kabar Bae tentang Tuhan Allah mo Berkuasa sebagai Raja, deng tentang percaya pa Yesus Kristus, Raja yang Tuhan Allah janji mo kase slamat pa manusia. Pe abis dengar yang Filipus ajar itu, dorang jadi percaya sampe dorang kase dong pe diri untuk dapa baptis, biar itu laki-laki atau parampuang.

Kisah Para Rasul 8:25

Pe abis Petrus deng Yohanes kase tau Tuhan pe firman tentang Yesus, deng carita apa yang dorang lia Yesus biking dulu, dorang bale ulang di kota Yerusalem. Waktu dorang bajalang pulang, dorang jaga basingga-singga di kampong-kampong laeng di daera Samaria, kong kase tau Kabar Bae tentang Yesus Kristus pa orang-orang di situ.

Ibrani 4:13

Di langit deng di bumi me tarada satu yang tasambunyi dari Tuhan Allah. Barang, Dia bisa lia samua-samua, sampe torang pe pikiran deng hati me Dia tau. Kong nanti torang musti tanggung jawab pa Tuhan Allah samua-samua yang torang so biking.