Yohanes 4:34 - Perjanjian Baru Bahasa Melayu Maluku Utara

³⁴ Yesus bilang pa dorang, “Kita pe makanang itu, Kita biking apa yang Tuhan Allah mau. Tuhan Allah itu yang utus pa Kita deng Kita musti kase abis Kita pe karja yang Dia suru Kita biking.

Yohanes 4:34 ပူးပေါင်းရင်းမြစ်များ

Matius 26:39

Abis itu Yesus bajalang ka sana sadiki, turus Dia berlutut sampe Dia pe muka kanal tana, kong Dia berdoa, “Ya Bapa, kalu bole, jang Kita dapa penderitaan ini. Tapi jang iko Kita pe mau, iko saja Bapa pe mau.”

Matius 3:15

Tapi Yesus bilang pa dia, “Biar suda ngana yang baptis pa Kita. Barang, deng torang biking bagitu, torang so biking iko apa yang Tuhan Allah mau.” Pe dengar itu, Yohanes iko apa yang Yesus bilang.

Matius 9:19

Pe dengar itu, Yesus badiri, turus Dia deng Dia pe murit-murit iko pa orang itu pigi pa dia pe ruma.

Lukas 15:10

Kita bilang pa ngoni, di sorga me bagitu, Tuhan Allah pe malaekat-malaekat sanang skali kalu ada satu orang yang berdosa kong dia bertobat.”

Lukas 19:10

Kita bilang bagitu, karna Anak Manusia yang dari sorga datang untuk mo cari pa orang-orang yang jao dari Tuhan Allah deng kase slamat pa dorang.”

Lukas 2:49

Yesus bilang pa dorang, “Papa deng mama tara perlu cari pa Kita. Karna papa deng mama pasti so tau, Kita ini musti ada pa Kita pe Bapa pe ruma.”

Yohanes 17:4

Bapa, Kita so kase selesai samua karja yang Bapa suru Kita biking di dunia ini. Kong deng apa yang Kita biking itu, orang-orang dapa lia Bapa pe kuasa yang luar biasa.

Yohanes 19:28

Yesus tau, Dia so kase selesai samua yang Tuhan Allah suru Dia biking. Jadi, Yesus bilang, “Kita aus”. Deng Yesus bilang bagitu, apa yang tatulis di Kitab Suci dulu itu so jadi.

Yohanes 19:30

Yesus isap anggur itu, kong abis itu Dia bilang, “Skarang so selesai.” Kong Yesus batundu, turus Dia serakan Dia pe nyawa.

Yohanes 4:32

Tapi Yesus jawab, “Pa Kita ada makanang yang ngoni tara tau.”

Yohanes 5:30

Yesus bilang lagi, “Kita tara bisa biking apa-apa iko Kita pe mau sandiri. Kita adili iko apa yang Kita dengar dari Kita pe Bapa. Kong Kita adili deng adil, karna Kita tara iko Kita pe mau sandiri, tapi iko Bapa yang utus pa Kita pe mau.

Yohanes 5:36

Tapi ada bukti yang lebe basar dari apa yang Yohanes kase tau tentang Kita, yang kase tunju pa orang, Kita ini memang Tuhan Allah yang utus. Bukti itu, Kita pe ajaran deng mujizat yang Kita pe Bapa suru Kita biking kong Kita biking skarang. Kita pe ajaran deng mujizat itu kase tunju pa orang, Kita ini memang yang Tuhan Allah utus.

Yohanes 6:33

Barang, makanang yang butul itu makanang yang Tuhan Allah kase turung dari sorga kong biking manusia bole hidup deng Tuhan Allah slama-lamanya.”

Yohanes 6:38

Barang, Kita so turung dari sorga bukang untuk biking Kita pe mau, tapi mo biking Kita pe Bapa pe mau. Dia yang utus pa Kita.

Yohanes 8:29

Kong Dia yang so utus pa Kita, ada sama-sama deng Kita. Dia tara perna kase biar Kita sandiri, karna Kita salalu biking Dia pe hati sanang.”

Kisah Para Rasul 20:35

Deng karja karas bagitu, kita so kase conto pa ngoni la ngoni me karja karas untuk bantu pa orang-orang yang tara mampo. Torang musti inga yang Tuhan Yesus so bilang, karna Dia sandiri yang bilang, ‘Kalu torang dapa apa-apa dari orang, torang pasti sanang, tapi yang lebe sanang itu torang yang bakase apa-apa pa orang laeng.’ ”

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.