Yohanes 4:15 - Perjanjian Baru Bahasa Melayu Maluku Utara

¹⁵ Parampuang itu bilang pa Yesus, “Kalu bagitu, Bapa kase aer itu pa kita dulu, supaya kita so tara akan aus lagi kong so tara usa bale ulang kamari mo batimba di parigi ini.”

Yohanes 4:15 ပူးပေါင်းရင်းမြစ်များ

Yohanes 4:16

Tapi Yesus bilang pa dia, “Pigi suda, pangge ngana pe laki la ngoni dua datang kamari.”

Yohanes 6:26

Yesus jawab pa dorang, “Dengar bae-bae yang Kita mo bilang ini. Ngoni ini ada cari pa Kita, bukang karna ngoni lia mujizat-mujizat kong mangarti sapa Kita, tapi ngoni cari pa Kita karna Kita so kase makang pa ngoni sampe kanyang.

Yohanes 6:34

Kong dorang bilang pa Dia, “Guru, kalu bagitu, kase makanang yang dari sorga itu pa torang turus-turus suda!”

Yohanes 6:35

Yesus bilang pa dorang, “Kita ini suda makanang yang biking orang bole mo dapa hidup deng Tuhan Allah slama-lamanya. Sapa saja yang datang pa Kita, dia itu tara akan lapar lagi, deng sapa saja yang percaya pa Kita, dia tara akan aus lagi.

Roma 6:23

Karna orang yang jaga biking dosa, dia pe akibat dia mo mati kong tapisa deng Tuhan Allah slama-lamanya. Tapi Tuhan Allah kase deng cuma-cuma hidup deng Dia slama-lamanya karna torang so satu hati deng Kristus Yesus, torang pe Tuhan.

Roma 8:5

Orang-orang yang hidup cuma iko manusia pe mau yang suka biking dosa, dorang itu cuma pikir barang yang tara bae yang biking sanang dong pe diri sandiri, tapi kalu orang-orang yang hidup iko Roh Kudus pe mau, dorang itu cuma pikir barang yang bae yang biking Roh Kudus itu sanang.

1 Korintus 2:14

Tapi orang-orang yang cuma iko manusia pe mau, dorang tara tarima ajaran dari Tuhan Allah pe Roh. Dorang anggap itu sama deng orang-orang bodo pe carita saja. Ajaran dari Roh Kudus itu dorang tara bisa mangarti, tapi ajaran itu orang bisa mangarti cuma kalu Roh Kudus yang bantu pa dorang untuk mangarti.

Yakobus 4:3

Atau, ngoni memang ada berdoa tapi ngoni pe tujuan itu sala, jadi ngoni tara dapa apa-apa. Barang, yang ngoni minta itu cuma untuk mo kase sanang ngoni pe diri sandiri saja.

1 Yohanes 5:20

Torang me tau Anak Allah so datang kong so biking torang mangarti la torang kanal Tuhan Allah yang Butul. Torang so hidup satu hati deng Tuhan Allah, karna torang so hidup satu hati deng Dia pe Anak Yesus Kristus. Dia itu suda Tuhan Allah yang Butul deng Dia yang biking orang bole dapa hidup deng Tuhan Allah slama-lamanya.