Yohanes 3:6 - Perjanjian Baru Bahasa Melayu Maluku Utara

⁶ Barang, torang manusia lahir dari torang pe orang tua, tapi cuma Roh Kudus saja yang bisa ruba pa torang jadi Tuhan Allah pe ana.

Yohanes 3:6 ပူးပေါင်းရင်းမြစ်များ

Yohanes 1:13

Dorang jadi Tuhan Allah pe ana-ana bukang karna dorang lahir dari dorang pe papa deng mama, bukang lagi karna hubungan laki bini, kong bukang lagi karna manusia pe rencana yang ingin dapa ana, tapi dorang jadi Tuhan Allah pe ana-ana karna Tuhan Allah sandiri yang biking dorang jadi Dia pe ana-ana.

Yohanes 3:7

Jadi, jang herang deng yang Kita ada bilang, ‘Ngoni musti lahir ulang’.

Roma 7:18

Barang kita tau, di kita pe hati, tarada apa-apa yang bae, karna kita cuma manusia yang jaga biking dosa. Kita memang suka biking barang yang bae, tapi kita tara mampo biking itu.

Roma 7:25

Tapi tarimakasi banya pa Tuhan Allah! Dia itu yang kase Yesus Kristus torang pe Tuhan yang biking sampe dosa pe kuasa so tara kuasai lagi pa kita. Jadi pa kita pe pikiran, kita ingin biking Tuhan Allah pe aturan, tapi di kita pe hati, kita cuma iko manusia pe mau yang suka biking dosa.

Roma 7:5

Karna waktu torang bolong percaya pa Yesus, torang pe hidup itu cuma iko manusia pe mau sandiri yang suka biking dosa. Waktu torang tau aturan di lima kitab Musa yang kase tau apa itu dosa yang torang tara bole biking, itu yang biking torang lebe tamba ingin biking dosa. Kong karna torang biking dosa itu, torang so mo dapa hukum tapisa deng Tuhan Allah slama-lamanya.

Roma 8:13

Karna kalu ngoni hidup iko manusia pe mau, ngoni mo dapa hukum tapisa deng Tuhan Allah slama-lamanya. Tapi kalu ngoni hidup iko Tuhan Allah pe Roh, Tuhan Allah pe Roh akan tolong pa ngoni supaya ngoni berenti biking ngoni pe mau yang jahat, ngoni itu mo hidup deng Tuhan Allah slama-lamanya.

1 Korintus 6:17

Tapi orang yang so hidup satu hati deng Tuhan, dia itu so jadi satu roh deng Tuhan.

2 Korintus 5:17

Karna itu, sapa saja yang so percaya pa Yesus Kristus, dia itu so jadi manusia baru. Dia pe sifat dulu-dulu yang tara bae itu so ilang. Samua so jadi baru.

Galatia 5:24

Sapa saja yang so jadi Kristus Yesus pe umat, dia itu so tara iko manusia pe mau yang suka biking dosa deng napsu yang tara bae. Itu bole mo kase sama deng dia so kase mati sifat itu di atas kayu salib.

Efesus 2:3

Dulu torang samua itu sama deng dorang lagi, torang hidup cuma iko manusia pe mau yang suka biking dosa, deng torang cuma iko torang pe keinginan deng pikiran yang tara bae. Sebenarnya torang pantas dapa hukum dari Tuhan Allah, karna yang torang biking itu jahat, sama deng samua orang di dunia jaga biking.

Kolose 2:11

Kita pe maksut, karna ngoni so satu hati deng Yesus Kristus, ngoni so jadi Dia pe umat. Ngoni jadi Dia pe umat bukang karna ngoni dapa sunat iko agama Yahudi pe aturan, tapi karna Yesus Kristus so kase bebas pa ngoni dari manusia pe mau yang jaga biking dosa.

1 Yohanes 3:9

Tiap orang yang Tuhan Allah so biking jadi Tuhan Allah pe ana, dia itu pe hidup so beruba jadi baru, deng dia me so tara biking dosa lagi, barang Tuhan Allah hidup pa orang itu pe diri, sama deng Tuhan Allah ada tanam bibit pa orang itu pe hati kong batumbu. Tuhan Allah so biking dia jadi Dia pe ana, jadi dia so tara biking dosa lagi.