Yohanes 3:34 - Perjanjian Baru Bahasa Melayu Maluku Utara

³⁴ Barang, Dia yang Tuhan Allah utus, Dia itu yang kase tau Tuhan Allah pe kata-kata, karna Tuhan Allah kase Dia pe Roh pa Dia tara abis-abis.

Yohanes 3:34 ပူးပေါင်းရင်းမြစ်များ

Matius 12:18

“Ini suda Dia yang Kita pili untuk biking apa yang Kita suru. Kita sayang pa Dia. Dia biking sanang Kita pe hati. Kita mo kase pa Dia Kita pe Roh, kong Dia yang mo kase tau pa suku-suku bangsa, Kita nanti mo adili pa samua orang deng cara yang adil.

Lukas 4:18

“Tuhan Allah pe Roh ada pa Kita. Barang Dia so pili pa Kita untuk kase tau Kabar Bae pa orang-orang susa. Dia so utus pa Kita

Yohanes 1:16

Dia pe sayang pa torang tara perna abis-abis. Kong karna Dia pe sayang itu, Dia tara berenti-berenti kase Dia pe bae pa torang samua.

Yohanes 15:26

Nanti Kita mo utus Roh Kudus untuk tolong pa ngoni, Roh Kudus itu dari Tuhan Allah. Roh Kudus itu yang mo kase tau yang butul tentang Tuhan Allah deng mo kase tau pa orang-orang tentang Kita.

Yohanes 16:7

Tapi butul, lebe bae Kita pigi, itu untuk ngoni pe bae. Barang kalu Kita pigi, Kita mo kase Roh Kudus supaya tolong pa ngoni. Tapi kalu Kita tara pigi, Roh Kudus itu tara akan datang pa ngoni.

Yohanes 3:17

Barang, Tuhan Allah utus pa Dia pe Anak datang di dunia ini bukang untuk hukum pa orang karna dorang pe dosa, tapi supaya kase slamat pa orang-orang di dunia ini.

Yohanes 5:26

Barang, sama deng Bapa ada kuasa untuk kase hidup orang, bagitu lagi Dia kase kuasa itu pa Dia pe Anak untuk kase hidup pa orang.

Yohanes 7:16

Yesus bilang pa dorang, “Yang Kita kase ajar ini, bukang Kita pe ajaran sandiri, tapi dari Tuhan Allah yang utus pa Kita.

Yohanes 8:40

Tapi apa yang ngoni biking tara sama deng Abraham, mala ngoni berusaha mo bunu pa Kita cuma karna Kita so bilang pa ngoni ajaran yang butul, yang Kita dengar dari Tuhan Allah. Apa yang ngoni biking itu tara iko sama deng yang Abraham so biking.

Yohanes 8:47

Sapa saja yang pe asal dari Tuhan Allah, dia dengar kong tarima Tuhan Allah pe ajaran. Tapi ngoni ini tara mau dengar Tuhan Allah pe ajaran, karna ngoni pe asal bukang dari Tuhan Allah.”

Kisah Para Rasul 1:2

sampe waktu Dia taangka ka atas di sorga. Sebelum Yesus taangka, Dia pasáng pa Dia pe utusan-utusan yang orang sebut rasul-rasul, apa yang dorang musti biking. Dorang itu yang Dia so pili, kong Dia pasáng pa dorang itu pake Roh Kudus pe kuasa.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Roma 8:2

Barang, Roh Kudus itu suda yang biking torang bole hidup satu hati deng Yesus Kristus. Roh Kudus itu tolong pa torang supaya torang tara iko dosa pe mau lagi yang biking torang mati tapisa deng Tuhan Allah slama-lamanya.

Efesus 3:8

Dari samua yang so jadi Tuhan Allah pe umat, kita ini suda yang paling tarada arti apa-apa. Tapi biar bagitu, Tuhan Allah kase Dia pe bae pa kita untuk kita kase tau Kabar Bae tentang Yesus Kristus pa orang-orang bukang Yahudi. Kita kase tau pa dorang tentang sagala hal yang talebe-lebe, yang Dia so rencana mo kase pa orang yang percaya pa Dia.

Kolose 1:19

Barang, Tuhan Allah mau supaya samua Dia pe sifat deng kuasa ada pa Yesus Kristus pe diri.

Kolose 2:9

Inga, jang ngoni tapengaru deng dong pe ajaran yang sala itu, karna samua Tuhan Allah pe sifat deng kuasa ada pa Yesus Kristus pe diri.

Wahyu 21:6

Dia bilang lagi pa kita, “Samua itu so selesai. Kita ini Alfa deng Omega, yang pe arti, mulai dari pertama dunia ini bolong ada, Kita so ada, deng sampe dunia abis, Kita tetap ada. Sapa yang aus, Kita mo kase aer minum deng cuma-cuma pa dia. Aer itu dari mata aer yang biking orang hidup deng Tuhan Allah slama-lamanya.

Wahyu 22:1

Abis itu, malaekat itu kase tunju pa kita kali satu. Kali itu dia pe aer jerni sama deng kristal. Dia pe aer itu yang biking orang hidup deng Tuhan Allah slama-lamanya. Aer itu malele dari Tuhan Allah deng dari Anak Domba pe kursi raja,